ئەمریکا: بڕیارا وەلاتێن عەرەبی د جهێ خوە دا نینە
ئەڤرۆ
وەزارەتا دەرڤە یا ئەمریکا راگەهاند، بریارا وەلاتێن عەرەبی سەبارەت ب ڤەگەریانا سووریێ بۆ ناڤ کۆمارا عەرەبی د جهێ خوە دا نینە، چونکی رژێما سووریێ تاوانبارە و د چەند سالێن بۆری دا رژێما بەشاری ب هزاران وەلاتیێن سڤیل کوشتینە و نابیت وەلاتێن عەرەبی بریارەکا وەسا بدەن، ئەو یەک دێ ئەنجامێن خوە یێن گەلەک خراب بۆ خەلکێ سووریێ هەبیت.
وەزارەتا دەرڤە یا ئەمریکا ئەو یەک ژی دیار کریە، مخابن هندەک وەلاتێن عەرەبی کار بۆ بهێزکرنا پێگەهێ رژێما بەشاری دکەن، لێ ئەو یەک کارەک گەلەک خرابە، چونکی نها سووریێ د قەیرانەکا گەلەک مەزن دایە، چەند ملیۆن وەلاتیێن سووریێ ژ ترسا رژێما بەشاری رەڤینە و ل دەرڤەی سووریێ دژین، دڤێت بەری هەر تشتەکێ کار بۆ چارەسەرکرنا قەیرانا نها ل سووریی بهێتە کرن، ژ بەر هندێ ژی بریارا وەلاتێن عەرەبی د جهێ خوە دا نینە و دێ ئەنجامێن خوە یێن گەلەک خراب بۆ وەلاتیێن سووریێ هەبیت.
