ئەمریکا بەرپرسە ژ مرنا سەرۆک کۆمارێ بەرێ یێ ئیرانێ
ڤیلادەمیر پۆتین سەرۆکێ رۆسیا راگەهاند، کۆپتەرا کو سەرۆک کۆمارێ بەرێ یێ ئیرانێ بکار دئینا یا ئەمریکی بوو، لێ ب سالانە ئەمریکا رێ نەدا کۆمپانیێن ئەمریکی کەلوپەلێن نوو یێن کۆپتەران بدەنە ئیرانێ، دۆرپێچا ل سەر ئیرانێ ژی وەسا کر کارێ نووژەنکرنا کۆپتەران بهێتە راگرتن و کەفتنا کۆپتەرا سەرۆک کۆمارێ بەرێ یێ ئیرانێ ژی ژ ئەنجاما سیاسەتا ئەمریکا بوویە، ئانکۆ ئەمریکا بەرپرسە ژ کەفتنا کۆپتەرا ئیبراهیم رەئیسی سەرۆک کۆمارێ بەرێ یێ ئیرانێ.
پۆتین ئەو یەک ژی دیار کر، دڤێت ئەمریکا پێداچوونێ د سیاسەتا خوە ل هەمبەر ئیرانێ و وەلاتێن دی یێن جیهانێ دا بکەت، چونکی هەر وەلاتەک ب دلێ ئەمریکا نەبیت دێ هەر زوو ئەمریکا دەست ب سزادانا وی وەلاتی کەت، سیاسەتا ئەمریکا زیانێن خوە یێن مەزن بۆ جیهانێ هەبوویە و دەم یێ هاتی ئەمریکا دەست ژ سیاسەتا خوەسەپاندنێ بەردەت و راستیێن هەی قەبوول بکەت، چونکی ب زۆرداریێ ئەمریکا نەشێت حوکمێ ل جیهانێ بکەت.
