ئەمریکا ب توندی هۆشداریێ ددەت چینێ
ئەڤرۆ
سەرجان مەحمود:
شیرەتکارێ ئاسایشا نەتەوی ل کۆچکا سپی یا ئەمریکا راگەهاند، کو شەرێ ل ئۆکرانیایێ ب دژواری بەردەوام دکەت و رۆسیا تووشی قەیرانەکا مەزن هاتیە، ئێدی چەکێ ئیرانێ ژی تێرا رۆسیا ناکەت و نها رۆسیا دڤێت چەکی ل چینێ بکڕیت، هەتا نها چینێ چو چەک نەداینە رۆسیا، لێ هەکە وەلاتێ چین چەکی بدەتە رۆسیا ئەو یەک دێ ئەنجامێن خوە یێن گەلەک خراب بۆ چینێ هەبیت.
جاک سولیڤان ئەو یەک ژی دیار کر ئەم ب توندی هۆشداریێ ددەینە چینێ، کو ب چو رەنگەکێ هزرا هندێ نەکەت چەکی بدەتە رۆسیا، هەکە چین کارەکێ وەسا بکەت ئەو یەک دێ بیتە ئەگەرێ روودانا شەڕەکی جیهانی، وەکو ئەمریکا مە نەڤێت چو تشتەکێ وەسا روو بدەت، باشترە چین کارەکێ وەسا نەکەت، لێ هەکە چین چەکی بدەتە رۆسیا ئەم وەکو ئەمریکا ل هەمبەر چینێ بێدەنگ نامینن و دێ ب توندی بەرسڤا چینێ دەین.
