ئەمریکا ب جهێ تورکیا ل بەدیلەکێ دگەریت
ئەڤرۆ نیۆز:
بسپۆرەکێ روسی ل دۆر رەوشا سووریێ و ئالۆزیێن ل منبجێ راگەهاند کو باوەری د ناڤبەرا تورکیا و ئەمریکا دا نەمایە و نها ئەمریکا ب جهێ تورکیا ل بەدیلەکێ دگەریت و تورکیا ژی دترسیت کو ئەو بەدیل کورد بن، ژ بەر هندێ ژی رەنگە ئالۆزیێن ل سووریێ د بەردەوام بن.
گریگوری لوکیانۆڤ بسپۆرێ روسی راگەهاند کو ئەمریکی گەهشتینە ڤێ باوەریێ ئێدی تورکیا ئەو هەڤپەیمانا جاران یا جهێ باوەریێ نینە و ژ بەر هندێ ژی ئەمریکا ل بەدیلەکێ نوو دگەریت و کورد نها شیاینە تا رادەیەکێ جهێ باوەریا ئەمریکا بن و ژ بەر هندێ ژی تورکیا گەفا هێرشێن سەربازی ل سەر رۆژئاڤایێ کوردستانێ دکەت.
