ئەمریکا ب ساناهی دەستان ژ کوردان بەرنادەت
ئەڤرۆ نیۆز:
سالح موسلم هەڤسەرۆکێ بەرێ یێ پەیەدێ و ئەندامێ لیژنا پەیوەندیێن دەرڤە یێ تەڤگەرا جڤاکێ دیموکرات راگەهاند کو هندەک بەرپرسێن ئەمریکا دبێژن ژ بەر شەرێ ل دژی داعشێ ئەم هاریکاریا هێزێن کوردی ل سووریێ دکەین، راستە نها وەسایە لێ بۆ هەر کەسەکێ ژی ئاشکرایە کو داعشێ وەسا زوو ژناڤ ناچیت و گۆت: (ئەمریکا ژی وەسا ب ساناهی دەستان ژ کوردان بەرنادەت، چونکو ئەمریکا ژی بەرژەوەندیێن خوە یێن هەڤپشک ل گەل کوردان ل سووریێ هەنە و ژ بەر هندێ ژی گەلەک هێز دژبەریا مانا ئەمریکا نە ل سووریێ و رۆژئاڤایێ کوردستانێ).
ناڤهاتی ئەو یەک ژی دیار کر کو چو ئاستەنگی ل هەمبەر خەباتا ئەنەکەسێ ل رۆژئاڤایێ کوردستانێ نینن و نها ٢٣ پارتی ل رۆژئاڤایێ کوردستانێ خەباتا خوە برێڤە دبەن.