ئەمریکا: ب هەموو شیانێن خوە دێ ل حوسییان دەین
وەزارەتا دەرڤە یا ئەمریکا دیار کر، دوهی ژی ل چەندین دەڤەران ل یەمەنێ هێزێن وان ئێرشی بنگەهێن سەربازی یێن حوسییان کرینە و گەلەک چەکدارێن حوسییان هاتینە کوشتن و وەکو ئەمریکا ئەو دێ ب هەموو شیانێن خوە ل حوسیێن یەمەنێ دەن، چونکی حوسی بووینە مەترسیەکا گەلەک مەزن ل سەر بازرگانیا جیهانی و مەترسیێ بۆ بەرژەوەندیێن ئەمریکا و هەڤپەیمانێن وێ ل رۆژهەلاتا ناڤین و جیهانێ دروست دکەن.
وەزارەتا دەرڤە یا ئەمریکا ئەو یەک ژی دیار کریە، حوسیێن یەمەنێ د چەند رۆژێن بۆری دا ئێرشی گەمیەکا ئەمریکا کرینە و ب موشەکێن ئیرانێ ژی ئێرشی ئسرائیلێ کرینە، ژ بەر ڤێ یەکێ ژی ئەو دێ ب توندی بەرسڤا حوسییان دەن و هەتا حوسیێن یەمەنێ لاواز نەبن و ژناڤ نەچن ژی دێ ئێرشێن ئەمریکا ل دژی حوسییان بەردەوام بن.
