ئەمریکا حەفت رۆژێن دیتر وه‌كو مۆهلەت دانه تیکتۆکى
ئەڤرۆ نیوز:
ئەمریکا حەفت رۆژێن دیتر یێن مۆهله‌تى دانه کۆمپانیا بایتدانس بۆ هندێ بەرنامێ تیکتۆکى بفرۆشیته ئەمریکا، یان ژى دلنیاییێ بده‌ته واشنتۆن، كو ئه‌و بەرنامه دەستێوه‌ردانێ د کاروبارێن ئاسایشا ئه‌مریكا دا ناكه‌ت.
سەرۆکێ ئەمریکا گۆتبوو، “تیکتۆک زانیاریێن کەسی د ده‌ته چینێ، له‌وما ل 14 ته‌باخا 2020 بڕیاره‌ك ده‌ركربوو و تێدا 90 رۆژ وەک ده‌م بۆ کۆمپانیا بایتدانسا چینی، كو خودانێ بەرنامێ تیکتۆکى دانایه، داكو چارەنڤیسی خوه ل ئەمریکا ب فرۆشتنێ یان ب داخستنێ دیار بکه‌ت.
پشتى ته‌مامبوونا وى ده‌مى سەرۆکێ ئەمریکا دیارکربوو، كو رێڤه‌به‌ریا وەبەرئینانا ئەمریکا کو سەر ب وەزارەتا گەنجینەیە حەفتەیەکا دیتر بۆ تیکتۆکى درێژکریە بۆ هندێ ئه‌و بەرنامێ چینی خوه ئێکلایی بکه‌ت، سوبه‌هى ئه‌و ده‌مه دێ ب دووماهى هێت، لدووڤ داتایان 100 ملیۆن بکارهێنەرێن تیکتۆکى ل ئەمریکا هه‌نه.
هه‌تا نوكه یا دیارنینە، كو هه‌ڤبه‌شبوونا ئۆراکل ل گەل تیکتۆکى ب تنی دێ ل ئەمریکا بیت، یان دێ ل لەگه‌ل وێ تۆرێ هه‌موویێ بیت ل سه‌رانسه‌رى جیهانێ.
هەر رێککەفتنه‌كا ل گەل کۆمپانیێن ئەمریکی بهێته كرن، رێڤه‌به‌ریا وەبەرهێنانا ئەمریکا دشێت ڤه‌كۆلینێ د وێ رێککەفتنێ دا بکه‌ت، سەرۆکێ ئەمریکا ژى مافێ هندێ هەیە وێ رێککەفتنێ پەسه‌ند بکه‌ت ره‌دبكه‌ت.
