ئەمریکا داخوازا هاریکاریێ ژ قەتەرێ دکەت
جۆ بایدن سه‌رۆکێ ئه‌مریکا ب رێیا په‌یوه‌ندیەکا ته‌له‌فۆنی ل گه‌ل شێخ ته‌میم ئه‌میرێ قه‌تەرێ بەحسێ ره‌وشا غەزەیێ و رۆژهه‌لاتا ناڤین کر و داخواز ژ ئەمیرێ قەتەرێ کر کار بکەت دا ئەسیرێن ئسرائیلێ یێن کو نها د دەستێ حەماسێ دانە بهێنە ئازادکرن و گۆت: (ئه‌م ژ به‌ر کوشتنا وه‌لاتیێن سڤیل دلگرانین و دخوازین د زووترین ده‌م دا شه‌رێ نها ل غەزە ب دووماهی بهێت. بۆمبەبارانکرنا نه‌خوه‌شخانه‌یان کارەک راست نینە، ژ بۆ ڤێ یەکێ ژی بەری نها مە چەندین جاران داخواز ژ بەرپرسێن ئسرائیلێ کرینە کو چو مەترسیان ل سەر ژیانا وەلاتیێن سڤیل دروست نەکەن، هەروەسا مە داخواز کریە دڤێت ژیانا خەلکێ سڤیل بهێتە پاراستن).
سه‌رۆکێ ئه‌مریکا هەروەسا داخواز ژ ئەمیرێ قەتەرێ کر کو ژ بۆ ئازادکرنا ئەسیرێن ئسرائیلێ ئەوێن نها د دەستێ حەماسێ دانە یا پێدڤی بکەت، قەتەر دشێت بۆ ڤێ یەکێ رۆلەکێ گەلەک مەزن بگێریت، ئەمریکا گرنگیەکا مەزن ددەتە رۆلێ قەتەرێ، چونکی نها ئازادکرنا ئەسیران کارەک گەلەک گرنگە و دڤێت هەموو ئەسیرێن د دەستێ رێکخستنا حەماسێ دا بهێنە ئازادکرن.
