ئەمریکا دخوازیت هێزەکا هەڤپشک ل باکورێ سووریێ دروست کەت
ئەڤرۆ نیوز، هۆشەنگ تاجر:
ژێدەرەکێ باوەرپێکری ل رۆژئاڤایێ کوردستانێ تایبەت بۆ ئەڤرۆ نیوز دیار کر کو ئەمریکا ل سەر بەرنامەکێ کار دکەت کو هێزەکا هەڤپشک و رێڤەبەریەکا هەڤپشک ل رۆژئاڤایێ کوردستانێ دروست بکەت دا رێگری ل هێرشێن تورکیا بکەت و ئالۆزیێن ل رۆژئاڤا ژی بهێنە چارەکرن، لێ هەتا نها ژ بەر هەلویستێ پەیەدێ جارێ چو نەهاتیە کرن.
ل دۆر چوونا پێشمەرگێن رۆژ بۆ رۆژئاڤایێ کوردستانێ ژی هەمان ژێدەری دیار کر کو براستی ئەڤ بابەتە هەستیارە و هەتا نها ژی کار ل سەر هندێ دهێتە کرن، لێ ژ بەر هەستیاریا بابەتی نە ئەمریکا و نە ژی پارتێن کوردی یێن رۆژئاڤایێ کوردستانێ جارێ چو تشتەکێ دیار ناکەن و دڤێت ئەم چاڤەرێ بین، رەنگە هەتا ١٠ رۆژێن دی گەلەک تشت ئاشکرا بن.