ئەمریکا: دڤێت حەماس پێشنیازا ئاگربەستێ قەبوول بکەت
ئانتۆنی بلینکن وەزیرێ دەرڤە یێ ئەمریکا د داخۆیانیەکێ دا راگەهاند، بەرپرسێن قەتەرێ پێشنیازەک نوو بۆ راگرتنا شەڕی و ئاگربەستێ داینە بەرپرسێن حەماسێ و وەکو ئەمریکا ئەم هێڤیدارین بەرپرسێن حەماسێ ڤێ پێشنیازێ هەر زوو قەبوول بکەن دا ئاگربەست بهێتە راگەهاندن.
وەزیرێ دەرڤە یێ ئەمریکا ئەو یەک ژی دیار کر وەکو ئەمریکا ئەو سوپاسیا وەلاتێ قەتەر دکەن کو دەمەکە کار دکەن دا شەڕێ نها ل غەزە بهێتە راگرتن، ژ بەر شەڕی هەتا نها گەلەک زیان گەهشتینە وەلاتیێن سڤیل و وەکو ئەمریکا ئەو کار دکەن دا شەڕ ب دووماهی بهێت، ژ بۆ ڤێ یەکێ ژی گەلەک یا گرنگە ڤێجارێ بەرپرسێن حەماسی ژی هەست ب بەرپرسیاریا خوە بکەن و پێشنیازا نوو یا وەلاتێ قەتەرێ ژی قەبوول بکەن، چونکی وەکو ئەمریکا بۆ وان گەلەک یا گرنگە شەڕ بهێتە راگرتن دا هاریکاریێن مرۆڤی بگەهنە دەستێ خەلکێ سڤیل.
