ئەمریکا: دڤێت شەڕێ نها ل غەزە ب دووماهی بهێت
ئەو گولی یا گەنمی یا تژی دندكێن ئانتۆنی بلینکن وەزیرێ دەرڤە یێ ئەمریکا پشتی سەرەدانا ئسرائیلێ کری د داخۆیانیەکێ دا بۆ دەزگەهێن راگەهاندنێ دیار کر، ئسرائیلێ شیایە پڕانیا ئارمانجێن خوە ل غەزە بدەستڤە بینیت و نها دەم یێ هاتی شەڕێ ل غەزە ب دووماهی بهێت و ئسرائیل دشێت بگەهیتە گەلەک ئارمانجێن سراتیژی، لێ یا نها هەری گرنگ ئەوە کو شەڕ ب دووماهی بهێت، چونکی ژ بەر شەڕی هاریکاریێن مرۆڤی ناگەهنە دەستێ وەلاتیێن سڤیل یێن ل غەزە.
وەزیرێ دەرڤە یێ ئەمریکا ئەو یەک ژی دیار کر، ئەو پشتەڤانیێ ل بزاڤێن ئسرائیلێ دکەن لێ د هەمان دەمی دا گرنگیا دەڤەرێ ب گشتی ب ئاشتیێ هەیە و ژ بۆ ڤێ یەکێ ژی گرنگە د پێنگاڤا ئێکێ دا شەڕێ نها ل غەزە ب دووماهی بهێت.
ل ئالیێ دی نەتەوەیێن ئێکگرتی ژی جارەکا دی داخواز ژ ئسرائیلێ کر دووماهیێ ب ئێرشێن خوە یێن ل سەر غەزە بینیت دا ئەو بشێن ل گەل رێکخستنێن دی یێن مافێن مرۆڤی هاریکاریا خەلکێ لێقەومی ل غەزە بکەن، چونکی ژ بەر شەڕی کارەساتێن گەلەک مەزن ل غەزە دروست بووینە و پێدڤیا خەلکی ب هاریکاریێن مرۆڤی هەیە، لێ ژ بەر شەڕی ئەو نەشێن هاریکاریا وەلاتیێن سڤیل ل غەزە بکەن.
