ئەمریکا دێ ب مەرج فرۆکەیێن F35 دەتە عەرەبستانێ
بەرپرسەکێ وەزارەتا دەرڤە یا ئەمریکا دیار کریە، حەفتیا بهێت دێ محەمەد بن سەلمان سەرەدانا ئەمریکا کەت و بریارە چەندین رێککەفتنێن مەزن یێن سەربازی د ناڤبەرا هەر دو وەلاتان دا بهێنە ئیمزا کرن، ئەمریکا یا بەرهەڤە فرۆکەیێن مودێرن یێن سەربازی ئانکو فرۆکەیێن F35 بدەتە عەرەبستانا سعوودیێ، لێ ئەمریکا ژ بۆ ڤێ یەکێ مەرجەک سەرەکی هەیە، ئەمریکا دڤێت عەرەبستان پەیوەندیێن خوە ل گەل ئسرائیلێ ئاسایی بکەت و ل هەمبەر دا ئەمریکا ژی فرۆکەیێن شەڕی یێن مودێرن بدەتە عەرەبستانێ.
هەمان بەرپرسی ئەو یەک ژی دیار کریە، بەری نها بن سەلمان دیار کربوو وەکو عەرەبستان وان دڤێت پەیوەندیێن خوە ل گەل ئسرائیلێ ئاسایی بکەن، لێ ئێرشا حەماسێ و روودانێن پشتی وێ کاریگەریا خوە ل سەر هەلوەستێ عەرەبستانێ کر و نها ژی ئەمریکا دڤێت جارەکا دی عەرەبستان دەست ب قووناغەکا نوو ل گەل ئسرائیلێ بکەت.
