ئەمریکا دێ ب مەرج پشتەڤانیێ ل حوکمەتەکا نوو ل سووریێ کەت
بەرپرسەکێ وەزارەتا دەرڤە یا ئەمریکا سەبارەت ب سیاسەتا وان ل هەمبەر حوکمەتەکا نوو ل سووریێ دیار کر، ئەمریکا چاڤدێریا پێشهاتەیێن ل سووریێ دکەت، ئەمریکا دێ ب مەرج پشتەڤانیێ ل حوکمەتەکا نوو ل سووریێ دکەت و دڤێت حوکمەتا نوو ژ هەموو پێکهاتەیێن ل سووریێ بهێتە ئاڤاکرن و دڤێت حوکمەتا نوو یا سووریێ رێزێ ل مافێن مرۆڤی بگریت.
هەمان بەرپرسی ئەو یەک ژی دیار کریە، کوردان ل سووریێ د شەڕێ ل دژی داعشێ دا گەلەک قوربانی داینە و کورد هەڤپەیمانێ ئەمریکا نە، ژ بەر ڤێ یەکێ ژی دڤێت کورد د کابینەیا نوو یا حوکمەتا سووریێ دا جه بگرن و دڤێت مافێن کوردان ل سووریێ بهێتە پاراستن، ئەڤە ژی ئێکە ژ وان مەرجێن ئەمریکا.
چاڤدێرێن سیاسی ژی دیار دکەن، هەلوەستێ ئەمریکا و پڕانیا وەلاتێن رۆژئاڤایی سەبارەت ب کوردێن سووریێ گەلەک باشە و هەکە کورد ژی د ناڤا خوە دا ئێکگرتی بن دێ شێن گەهنە مافێن خوە.
