ئەمریکا دێ فڕۆکەیێن شەڕی دەتە ئۆکرانیایێ
مارک میلی سەرۆک ئەرکانێ لەشکرێ ئەمریکا راگەهاند، نها ئەو دانوستاندنان ل دۆر هندێ دکەن کا دێ چاوا فرۆکەیێن شەڕی یێن F16 و چەکێن دی یێن گران دەنە ئۆکرانیایێ، چونکی ئێرشێن رۆسیا ل سەر ئۆکرانیایێ ب هەموو رەنگەکێ بەردەوام دکەن و دڤێت یا پێدڤی بۆ پاراستنا ئۆکرانیایێ بهێتە کرن، وەکو ئەمریکا ئەو نها دانوستاندنان دکەن کا دێ چاوا فرۆکەیێن شەڕی یێن F16 دەنە ئۆکرانیایێ.
چاڤدێرێن سیاسی ژی دیار دکەن، پشتی ئالۆزیێن ڤێ دووماهیێ ل رۆسیا، ئەمریکا و وەلاتێن دی یێن رۆژئاڤایی وەسا دبینن نها پێگەهێ پۆتینی لاواز بوویە و بابەتێ چەکدارێن ڤاگنەر دێ کاریگەریا ل سەر شەڕێ نها ل ئۆکرانیایێ کەت، ژ بەر هندێ ژی هەکە ئەو چەکێن گران بدەنە ئۆکرانیایێ دێ کاریگەریا خوە ل سەر شەڕی کەت، چونکی نها ئالۆزیێن مەزن د ناڤ لەشکرێ رۆسیا دا هەنە و هژمارەیەک زێدە ژ سەرباز و فەرماندارێن رۆسیا ل دژی بەردەوامیا شەڕێ نها ل ئۆکرانیایێ نە.
