ئەمریکا: دێ هاریکاریێن مە بۆ هەسەدێ بەردەوام بن
بەرپرسەکێ وەزارەتا بەرگریێ یا ئەمریکا دیار کر، هێشتا ژی ل سووریێ مەترسیا داعشێ و گرۆپێن دی یێن تیرۆرستی هەیە و هێزێن سووریا دیموکرات د شەڕێ ل دژی داعشێ دا شیان رۆلەک گەلەک مەزن بگێرن و هەسەدە وەکو هەڤپەیمانا ئەمریکا رۆلا وێ د ئارامیا ل سووریێ دا ژی گەلەک گرنگە و ژ بەر ڤێ یەکێ ژی ئەمریکا دێ بەردەوام هاریکاریا هەسەدێ کەت و هەلوەستێ ئەمریکا ل هەمبەر هەسەدێ نەهاتیە گوهۆڕین.
سەبارەت ب ئالۆزیێن د ناڤبەرا حوکمەتا سووریێ و هەسەدێ دا ژی هەمان بەرپرسی دیار کریە، وەکو ئەمریکا ئەو دخوازن هێزێن سووریا دیموکرات ببنە پشکەک ژ وەزارەتا بەرگریێ و تایبەتمەندیا وێ ل بەرچاڤان بهێتە وەرگرتن و ل ئالیێ دی بێگومان دڤێت کورد ژی ل سووریێ بگەهنە مافێن خوە، نها هەڤدیتن د ناڤبەرا هەسەدێ و شامێ دا هەنە و ئەمریکا ژی هاریکاریا هەر دو ئالیان دکەت دا بشێن پرسێن هەی ب رێیا دانوستاندنان چارەسەر بکەن.
