ئەمریکا دێ پێگەهێ خوە ل دەڤەرێ بهێزتر کەت
فەهیم تاشتەکین بسپۆرێ کاروبارێن رۆژهەلاتا ناڤین راگەهاند، پشتی ئێرشا ئیرانێ یا ل سەر ئسرائیلێ رۆژهەلاتا د رەوشەکا گەلەک ئالۆز دایە، هەکە بەری نها ئەمریکا بەرنامە بۆ ڤەکێشانا هێزێن خوە ل ئیراقێ و سووریێ هەبیت ژی نها ئەمریکا دێ مینیت، چونکی ئەمریکا ب چو رەنگەکێ نەڤێت پێگەهێ خوە ل ئیراقێ و سووریێ ژ دەست بدەت، بەلکو ئەمریکا یێ کار بهێزکرنا پێگەهێ خوە ل دەڤەرێ دکەت.
ناڤهاتی ئەو یەک ژی دیار کر، دبیت گوهۆڕینێن گەلەک مەزن و نەچاڤەرێکری ل دەڤەرێ روو بدەن، چونکی ئەردۆغانی بەری چەند رۆژان ژ قەستان نەگۆت ئسرائیلێ دڤێت نەخشێ دەڤەرێ بگوهۆڕیت و دڤێت دەستێوەردانێ ل تورکیا ژی بکەت، ئەو یەک ژی نیشا ددەت کار بۆ گوهۆڕینێن مەزن ل رۆژهەلاتا ناڤین دهێتە کرن.
