ئەمریکا سزا ب سەر پێنج بەرپرسێن پلە بلندێن ئیرانێ دا سەپاند
ئەڤرۆ نیوز:
ئەمریکا بالیۆزێ ئیرانێ ل بەغدا و دو سەرکردەیێن حزبۆلا و دو سەرکردێن سۆپایێ پاسداران خستنە د لیستا سزایێن خوە دا.
ستیفن منوچین وەزیرێ خەزینا ئەمریکا راگەهاند: د ناڤ لیستا سزادایان دا سۆپایێ پاسدارێن ئیرانێ ژی تێدایە، وان بزاڤکریە د ناڤبەرا بەربژاران دا ناکۆکیێ بەلاڤ بکەن، ب رێیا زانیاریێن نەراست د ئینتەرنێتێ دا.
هەروەسا دیارکر ژی، هەر ئێک ژ نەبیل قاووق و حەسەن ئالبەغدادی سەرکردێن حزبولا بەرپرسن ژ جێەجێکرنا ئەجیندایا تیرۆرستی کو دبیتە ئەگەرێ نەئارامیا دەڤەرێ و ب ئارمانجگرتنا بەرژەوەندیێن ئەمریکا و هەڤپەیمانێن وێ.
دیسان واشنتۆنێ سزا ب سەر ئیرەج مەسجیدی بالیۆزێ ئیرانێ ل بەغدا سەپاند، لدووڤ خەزینا ئەمریکا، ناڤبری کەسەکێ دەستهەلاتدارە د سۆپایێ پاسداران دا و رۆلێ سەرەکی د مەشقکرنا چەکدارێن گروپێن میلیشادا هەیە.
