ئەمریکا: مە پشکداری د ئێرشا ئسرائیلێ دا نەکریە
وەزارەتا دەرڤە یا ئەمریکا د داخۆیانیەکێ دا راگەهاند وان ب چو رەنگەکێ پشکداری د ئێرشا ڤێ دووماهیێ یا ئسرائیلێ ل سەر ئیرانێ دا نەکرینە و وان داخواز ژ ئسرائیلێ ژی کربوون کو ئێرشی ئیرانێ نەکەت، لێ ئسرائیلێ ئێرشەکا سنۆردار ل سەر هندەک ناڤەندێن سەربازی یێن ئیرانێ کریە.
وەزارەتا دەرڤە یا ئەمریکا ئەو یەک ژی دیار کر، وان هۆشداری ژی داینە ئیرانێ کو ب چو رەنگەکێ بزاڤا ڤێ یەکێ نەکەت بەرسڤا ئێرشا ئسرائیلێ بدەت، چونکی ئەو یەک دێ رۆژهەلاتا ناڤین بەر ب شەڕەکێ نوو ڤە بەت، وەکو ئەمریکا وان نەڤێت چو شەڕێن مەزن ل دەڤەرێ روو بدەن، ئەو یەک د بەرژەوەندیا چو وەلاتەکێ دا نینە و ژ بەر ڤێ یەکێ ژی دڤێت ئیران نەبیتە ئەگەرێ ئالۆزیێن نوو ل دەڤەرێ، هەکە ئیران ئێرشی ئسرائیلێ بکەت وەکو ئەمریکا ئەو دێ ب توندی بەرسڤا ئیرانێ دەن.
