ئەمریکا: نابیت ئیران مۆشەکان بدەتە رۆسیایێ
وەزارەتا دەرڤە یا ئەمریکا دیار کر، ئیرانێ رێککەفتنەکا مەترسیدار ل گەل رۆسیا ئیمزا کریە و دێ مۆشەکێن بالیستیک دەتە رۆسیا، هەر کەس دزانیت رۆسیا دڤێت ب مۆشەکێن ئیرانێ دەست ب ئێرشەکا نوو و دژوار ل دژی ئۆکرانیایێ بکەت، یا نها ئیران دکەت بنپێکرنا قانوونێن نێڤدەولەتی یە و دڤێت ئیران دەست ژ ڤی کاری بەردەت، هەکە ئیران بەردەوام بیت و چەکی بدەتە رۆسیا ئەو دێ ب توندی ئیرانێ سزا دەن.
ل ئالیێ دی ناسر کەنعانی پەیڤدارێ وەزارەتا دەرڤە یا ئیرانێ ژی دیار کر، ئەو چەکی نادەنە رۆسیا لێ ئەمریکا و هەڤپەیمانێن وێ بەردەوام دخوازن ئاریشان بۆ ئیرانێ دروست بکەن، بەری نها ژی گەلەک تشت ل دۆر ڤی بابەتی هاتینە گۆتن، ئەمریکا دڤێت رەوشا دەڤەرێ هەر یا ئالۆز بیت، ئەمریکی هەر رۆژ بەحسێ ئاشتیێ دکەن لێ چەکی ددەنە ئسرائیلێ دا خەلکێ سڤیل یێ غەزە پێ بکوژیت، ئەو یەک ژی نیشا ددەت ئاخڤتنێن ئەمریکا تنێ بۆ دروستکرنا ئالۆزیانە.
