ئەمریکا هێزێن زێدەتر رەوانەی رۆژئاڤایێ کوردستانێ دکەت
ناڤەندا چاڤدێریا مافێن مرۆڤ یا سووریێ د داخویانیه‌کی دا راگه‌هاند، کو ئه‌مریکا و هه‌ڤپه‌یمانیا نێڤده‌وله‌تی هێزێن خوه یێن ل باکورێ سووریێ ئانکو رۆژئاڤایێ کوردستانێ زێده‌تر کرینه و ئاشکرا کر، نها هێزێن ئەمریکا چەندین خۆلێن راهێنانێ بۆ شەرڤانێن هێزێن سووریا دیموکرات ڤەکرینە و چەکێن گران ژی ل چەندین دەڤەرێن ستراتیژی یێن رۆژئاڤایێ کوردستانێ بجه کرینە.
ل ئالیێ دی بەرپرسەکێ ئەمریکا ژی دیار کریە، د چەند مەهێن بۆری دا داعشێ شیایە ل دەڤەرێن سنوری یێن د ناڤبەرا سووریێ و ئیراقێ دا خوە ب رێکخستن بکەت و نها مەترسیا ڤێ یەکێ هەیە، کو جارەکا دی داعش ل سووریێ دەست ب کریارێن تیرۆرستی بکەت، ژ بەر ڤێ یەکێ ژی ئەمریکا ل گەل هێزێن سووریا دیموکرات بەرهەڤیان بۆ ئەنجامداما چەندین ئۆپەراسیۆنان ل دژی داعشێ دکەت، ژ بەر ڤێ یەکێ ژی د چەند رۆژێن بۆری دا هژمارەک زێدە ژ هێزێن سەربازی یێن ئەمریکا دەربازی رۆژئاڤایێ کوردستانێ بووینە.
