ئەمریکا پشتەڤانیێ ل خوەنیشادانێن ئیرانێ دکەت
وەزیرێ دەرڤە یێ ئەمریکا راگەهاند کو خەلکێ ئیرانێ کار بۆ ئازادیا خوە دکەن، خەلکێ ئیرانێ ژ رژێما نها بێزار بووینە و دخوازن ئازاد بن، دەستهەلاتا نها یا ئیرانێ رەواتیا خوە ژ دەست دایە و دڤێت ب زۆرێ خوە ل سەر خەلکی فەرز بکەت، لێ خەلک ل دژی رژێمێ خوەنیشادانان دکەن و ئەمریکا ژی پشتەڤانیێ ل خوەنیشادانان ئیرانێ دکەت.
مارکۆ روبیۆ ئەو یەک ژی دیار کر، بەری نها ژی دۆنالد ترامپ سەرۆکێ ئەمریکا ب فەرمی پشتەڤانیا خوە بۆ خەلکێ ئیرانێ دیار کریە و داخواز ژ دەستهەلاتا ئیرانێ کریە توندوتیژیێ ل دژی خەلکی بکار نەئینیت و هەکە ئیران ل سەر هەلوەستێ خوە بەردەوام بیت ئەمریکا دێ یا پێدڤی ل دژی ئیرانێ کەت.
ل ئالیێ دی کۆڤارا تایمز ژی د راپۆرتەکێ دا دیار کریە، د ئەنجاما خوەنیشادانێن چەندین رۆژێن بۆری زێدەتر ژ ٢٠٠ کەس هاتینە کوشتن و ب سەدان وەلاتی ژی بریندارن، لێ دەستهەلاتا ئیرانێ راستیان بۆ رایا گشتی ئاشکرا ناکەت.
