ئەمریکا چاوانیا ڤەکێشانا هێزێن خوە ژ سووریێ ئاشکرا دکەت
ئەڤرۆ نیوز:
نوونەرێ تایبەت یێ ئەمریکا بۆ کاروبارێن سووریێ جێمز جێفری راگەهاند کو پرۆسێسا ڤەکێشانا مە ژ سووریێ دێ ب هەماهەنگی ل گەل هەڤپەیمانێن مە بیت، ئەم ب ئێکجاری هێزێن خوە ژ سووریێ ڤەناکێشین و دێ ل گەل هەڤپەیمانێن خوە چاوا ڤەکێشانێ گەنگەشە کەین و دێ ڤەکێشان ژی پێنگاڤ ب پێنگاڤ بیت.
نوونەرێ تایبەت یێ ئەمریکا ئەو یەک ژی دیار کر کو ئەم چو پێنگاڤەکێ ناهاڤێژین کو زیانا خوە بۆ هەڤپەیمانێن مە ل سووریێ هەبیت، ب تایبەتی ژی یێن شەرێ داعشێ کری و قوربانیێن مەزن دایی ئەم وان ب تنێ ناهێلین.
