ئەمریکا چاڤەرێی بەرسڤا ئسرائیلێ یە
رۆژنامەکا ئەمریکی دیار کریە، بەرپرسێن وی وەلاتی داخواز ژ ئسرائیلێ کرینە جارێ دەست ب چو ئۆپەراسیۆنان بۆ غەزە نەکەت، چونکی داگیرکرنا غەزە دێ بیتە ئەگەرێ بەرفرەهبوونا شەری و ئەو یەک دشێت کاریگەریا خوە ل هەموو رۆژهەلاتا ناڤین بکەت، لێ هەتا نها بەرپرسێن ئسرائیلێ ب فەرمی بەرسڤا داخوازیا ئەمریکا نەداینە.
رۆژناما واشنتۆن پۆست ئەو یەک ژی دیار کریە، ئەمریکا وەسا دبینیت هەر ئۆپەراسیۆنەکا هێزێن ئسرائیلێ بۆ سەر غەزە کو مەرەم ژێ داگیرکرنا وێ بیت دێ بیتە ئەگەرێ هندەک وەلاتێن دی ژی دەستێوەردانێ بکەن، وی دەمی ئەمریکا ژی دێ نەچار بیت پشکداریێ د شەری دا بکەت، هەکە تشتەک وەسا روو بدەت دێ رۆژهەلاتا ناڤین بیتە مەیدانا شەرەکێ نوو و ئەو یەک دێ کاریگەریا خوە ل هەموو جیهانێ کەت، ژ بەر ڤێ یەکێ ژی بەرپرسێن ئەمریکا ب فەرمی داخواز ژ ئسرائیلێ کرینە د رەوشا نها دا دەست ب چو ئۆپەراسیۆنان نەکەن.
