ئەمریکا چو بەرنامە بۆ رۆژئاڤایێ کوردستانێ نینن
ئەڤرۆ نیۆز:
موتلو چیڤر ئوگلۆ رۆژنامەڤانێ ناڤدار یێ دەنگێ ئەمریکا دیار دکەت کو هەتا نها ژی بەرنامێ ئەمریکا بۆ رۆژئاڤایێ کوردستانێ و قۆناغا پشتی داعشێ دیار نینە، بەرپرسێن ئەمریکا دبێژن نها ژ بەر شەرێ ل دژی داعشێ ئەم هاریکاریا هێزێن سووریا دیموکرات و یەپەگێ دکەین، لێ دیار نینە کا پشتی ب دووماهی هاتنا شەرێ ل دژی تیرۆرێ دێ هەلویستێ ئەمریکا چ بیت.
ناڤبری ئاماژە ب هندێ ژی دکەت کو هەتا نها ئەمریکا چو بەرنامەکا دیارکری بۆ پاشەرۆژا رۆژئاڤایێ کوردستانێ نینە و ل گۆر بەرژەوەندیێن خوە یێن دەمکورت و دەمدرێژ سەرەدەریێ ل گەل روودانان دکەت و ژ بەر هندێ ژی رەنگە هەلویستێ نەدیار یێ ئەمریکا ببیتە ئەگەرێ ئالۆزیێن نوو ل رۆژئاڤایێ کوردستانێ و زیانەکا مەزن بگەهیتە پاشەرۆژا کوردان ل سووریێ.