ئەمریکا: چو گوهۆڕین ل ئیرانێ روو نادەن
جێگرێ پەیڤدارێ وەزارەتا دەرڤە یا ئەمریکا راگەهاند کو هەلبژارتنێن سەرۆک کۆماریێ ل ئیرانێ نابنە ئەگەرێ چو گوهۆڕینان ل وی وەلاتی، چونکی نها دو کەس بەربژارن و هەر دو ژی کەسێن نێزیکی رێبەرێ شۆرەشا ئیسلامی یا ئیرانێ نە و دێ فەرمانێن وی بجه ئینن، ژ بەر ڤێ یەکێ ژی ئەنجامێن هەلبژارتنێن سەرۆک کۆماریێ ل ئیرانێ نابنە ئەگەرێ چو گوهۆڕینان ل وی وەلاتی.
ودانت پاتل جێگرێ پەیڤدارێ وەزارەتا دەرڤە یا ئەمریکا ئەو یەک ژی دیار کر، رێژەیا پشکداریا وەلاتیان د گەرا ئێکێ یا هەلبژارتنێن سەرۆک کۆماریێ ل ئیرانێ دا نیشا ددەت کو خەلک ژ سیستەمێ نها یێ ئیرانێ رازی نینن، رێژەیا پشکداریا خەلکی گەلەک کێم بوو و بەرپرسێن ئیرانێ ئامارێن دروست ل دۆر رێژەیا پشکداریا وەلاتیان بلاڤ نەکرن.
