ئەمریکا چەکێ لێزەری تاقیکریە
ئەڤرۆ نیۆز،زنار تۆڤی:
هێزێن دەریایی یێن ئەمریکا ب مەرەما بەرهنگاربوونا فرۆکێن بێ فروکەڤانێن ئیرانێ و کۆریا باکۆر و چینێ و رووسیا د ڤان رۆژان دا نووترین چەکێ خوە کو چەکەکێ لێزەرەیە ب ناڤێ (Laws) ل ئاڤا کەنداڤی دا تاقی کر.
ل دووڤ راپۆرتەکا مالپەرێ (ڕیانووستی) کریسۆفەر ڤیلس کاپتنێ هێزا دەریایی یا ئەمریکا دیارکریە کو چەکێ لێزەر یێ Laws زۆر هشیارتر و پێشکەفتیتره ژ گولەیان و ئامانجا خوە دپێکێت و ئێکە ژ نووترین تەکنیکێن بلند د وارێ چەکێ سەربازی کو وان د ئاڤا کەنداڤی دڵ تاقی کری.
وی فەرماندێ سەربازی یێ ئەمریکا گۆتیه،ئەڤ چەکێ تایبەت کو پیشەسازیا وەزارەتا بەرگریا ئەمریکا یە و بۆ ژناڤبرنا وان مووشەک و فرۆکان هاتیە بەرهەم ئینان کو ژ وەلاتێن ئیران، کۆریا باکۆر، چین و رووسیا و دژبەرێن خوە یێن دیتر دێ ب کارئینن.
هەروەسا لەزاتیا ڤی چەکێ نوو 50 جاران هندی لەزاتیا مووشەکێن بالستیکیە و ژلایەکێ دیڤە هاتنا بایی و تۆفانان چو کاریگەریێ ناکەتە سەر ئارمانجا ڤی چەکی.
دیسا ئێک ژ تایبەتمەندیێن چەکێ لێزەریی (Laws) یێ ئەمریکا ئەوە کو هاڤێتنا وی یا بێدەنگە و نەیێ دیارە.
