ئەمریکا چەکێ مۆدێرن ل رۆژئاڤایێ کوردستانێ بجهـ دکەت
ناڤەندا چاڤدێریا مافێن مرۆڤی یا سووریێ دوهی دیار کر، دو مەهن ئەمریکا بەردەوام هێز و چەکێن زێدەتر رەوانەی رۆژئاڤایێ کوردستانێ دکەت و بەری دو رۆژان ژی ئەمریکا چەندین تانکێن مودێرن ل بنگەهەکێ خوە یێ سەربازی ل نێزیکی باژێرێ حەسەکێ یێ رۆژئاڤایێ کوردستانێ بجه کریە و ئەو یەک ژی نیشا ددەت کو چو نیەتا ئەمریکا نینە جارێ هێزێن خوە ژ سووریێ و رۆژئاڤایێ کوردستانێ ڤەکێشیت.
هەمان ناڤەندێ ئەو یەک ژی دیار کریە، ئەمریکا د ناڤ دو مەهێن بۆری دا چەندین بنگەهێن نوو یێن سەربازی ل رۆژئاڤایێ کوردستانێ ئاڤا کرینە و فەرماندارێن ئەمریکا بەردەوام چاڤدێریا رەوشا نها ل سووریێ دکەن و ئەمریکا جارێ نەڤێت هێزێن خوە ژ رۆژئاڤایێ کوردستانێ ڤەکێشیت و ئەو یەک ژی بوویە جهێ دلخوەشیا هێزێن سووریا دیموکرات و هەموو وەلاتیێن کورد، چونکی ب ڤەکێشانا ئەمریکا د رەوشا نها دا تورکیا و شام دشێن ئاریشەیێن مەزن بۆ رێڤەبەریا خوەسەر یا کوردان دروست بکەن.
