ئەمریکا: ژ بەر حەماسێ هاریکاریێن مرۆڤی بۆ غەزە هاتنە راگرتن
شیرەتکارێ ئاسایشا نەتەوەیی یا کۆچکا سپی راگەهاند، وەکو ئەمریکا وان گەلەک بزاڤ کرن کو ئاگربەستا د ناڤبەرا ئسرائیلێ و حەماسێ دا بۆ دەمەکێ دی ژی بهێتە درێژکرن، لێ مخابن ئەو د بزاڤێن خوە دا سەرکەفتی نەبوون و جارەکا دی شەری دەستپێکر و گۆت: (ژ بەر شەری ژی هاریکاریێن مرۆڤی یێن بۆ خەلکێ غەزە هاتنە راگرتن، ئەگەرێ سەرەکی یێ راگرتنا هاریکاریێن ژی حەماسە).
جۆن کێربی ئەو یەک ژی دیار کر، وەکو ئەمریکا ئەو ل گەل قەتەرێ و هندەک ئالیێن دی دانوستاندنان دکەن و وان دڤێت شەرێ غەزە ب دووماهی بهێت، چونکی ژ بەر شەری هەتا نها گەلەک وەلاتیێن سڤیل بووینە قوربانی، رەوشا ژیانا خەلکێ ل غەزە گەلەک خرابە.
ئەو یەک د دەمەکێ دایە کو بەری دو رۆژان رۆژناما واشنتۆن پۆست ژی د راپۆرتەکێ دا دیار کربوو ئسرائیلێ دڤێت ل غەزە هەرێمەکا ئارام بهێتە ئاڤاکرن و چو بەرپرس و ئەندامێن حەماسێ ژی ل غەزە نەمینن.
