ئەمریکا ژ هەلوەستێ ئسرائیلێ دلگرانە
بەرپرسەکێ وەزارەتا دەرڤە یا ئەمریکا کو نەخواستیە ناڤێ وی بهێتە ئاشکرا کرن بۆ رۆژناما واشنتۆن پۆست یا وی وەلاتی دیار کریە، وەزیرێ دەرڤە یێ ئەمریکا هەتا نها گەلەک بزاڤ کرینە دا ئسرائیل ئێرشێن خوە بدەتە راگرتن، چونکی رەوشا وەلاتیێن سڤیل ل غەزە گەلەک خرابە و ئەو پێدڤی ب هاریکاریێن مرۆڤی نە، لێ مخابن هەتا نها ژی ئسرائیل یا بەرهەڤ نینە ئێرشێن خوە راگریت و ژ بەر ڤێ یەکێ ژی رەوشا وەلاتیێن سڤیل ل غەزە گەلەک خرابە.
هەمان بەرپرسی ئەو یەک ژی دیار کریە، جۆ بایدن ژ هەلوەستێ نها یێ سەرۆک وەزیرێن ئسرائیلێ گەلەک دلگرانە و دو جاران ژی ئانتۆنی بلینکن بزاڤ کریە کو نەتانیاهۆ شەڕی بدەتە راگرتن، لێ هەتا نها ژی سەرۆک وەزیرێن ئسرائیلێ بەرهەڤ نینە ئاگربەست بهێتە راگەهاندن و هەکە ئسرائیلێ بڤێت دەست ب ئێرشێن نوو بکەت ئەو یەک دێ رێ بۆ کارەساتێن مەزن ڤەکەت، ئەمریکا دڤێت ب هەر رەنگێ هەی ئاگربەست بهێتە راگەهاندن.
