ئەمنێ گۆت: ئیمزا كە دێ چیە مال، من گۆتێ: دزانـم دێ جەنازەیێن مە چنە مال
سالار محەمەد دۆسكی:
2- 5
زیندانیێ سیاسی مەلا ئەحمەد حەسەن زێوكی رێكانی گۆت: كومەكا مرۆڤان ل زاخۆ هاتبوونە دەستەسەركرن و هەر ئێكی دانپیدان ل سەر كەسەكێ دی كربوو و هاتبوونە دەستەسەركرن، چونكە كێشە ل زاخۆ دروست ب بوو ئەمنا زاخۆ گۆت قەبول ناكەین كێشە ل دەف مە دروست بوویە و دڤێت ئەوێن ل ئامێدیێ ژی هاتینە دەستەسەركرن بهێنە دەف مە، و ئەڤە دەمەكی دا ژڤان بوو ل ئامێدیێ وەك پێشتر مە ئاماژە پێكری پشتی چەندین بزاڤێن مرۆڤێن مە ژڤان بوو بهێنە ئازادكرن، بەلێ ئەمنا زاخۆ قەبیل نەدكر و گۆت كێشە ل دەف مە سەرهلدایە و دڤێت بهێنە دەف مە، و بەری مە ب چەند هەیڤان ل زاخۆ چەند كەسەك هاتبوو دەستەسەركرن و هەتا گەهشت بوو (82) كەسان هاتینە دەستەسەركرن، و بابەت هوسا مەزن بوو و گەهشتە سەركردایەتیا حزبا بەعس یا وی سەردەمی و نینە رێكخستن هەتا (80) كەسان بن، دوڤدا مە ژ زار دەڤێ زێرەڤانەكی زانی گۆتی نڤیسارەك ژ سەركردایەتیێ هاتیە و دێ ڤەكولینا زاخۆ هێتە ڕاوەستاندن، و دووبارە دێ ڤەكولین ل گەل مە هێتەكرن ڤە وەك پێشتر مە ئاماژە پێكری بەری مە (82) هاتبوونە دەستەسەركرن و دەمێ ئەم هاتینە دەستەسەركرن ئەم (10) كەس بووین، ژ جهێن جودا و ل ئامێدیێ وەك پێشتر مە ئاماژە پێكری ئەم سێ كەس بووینە وەك گومانەكێ بۆ سەركردایەتی یا حزبا بەعس ژی دروست بوو لەوما داخوازا ڤەكولینەكا نوی هاتەكرن. و هەر كەسەكێ دانپیدان كربا ل زاخۆ دا چیتە دادگەهێ و دا ئینكارێ كەت، و لەوما داخوازا ڤەكولینەكا نوی هاتەكرن، و رۆژەكێ ئەم ئاگەهداركرین گۆت دێ هەوە بەینە بەغدا و برینە ئەمنا گشتی و لژنەكا مەزن هاتە دروستكرن و ئەوێ لژنێ دووبارە دەست ب ڤەكولینێ كر و مە هەمیان پێكڤە ینكاركر، كو ئەم نەهاتینە رێكخستن وبتنێ (16) كەس نەبن ئەوا دانپێدان كر، كو هاتینە رێكخستن و ب ئەڤێ دو بەرەكیێ ئەوان (16) كەسان كارێ مە بزحمەتر لێكر، و چەند هەیڤەكان ئەم گیروكرین و بتنێ قوتان ئەوان (16) كەسان ل ئەمنا گشتی یا ئیراقێ خوار و ئەڤێن دی قوتان نەبوو، بیرا من دهێت ئەو ژوورا بریمە ڤەكولینێ ناڤێ ئەوێ ئەمنێ ناهێتە بیرا من بەلێ بیرا من دهێت ناڤێ وی ل سەر مێزێ بوو و رایئدەك بوو هوسا ل گەل من دئاخفت تو دا بێژی ئەڤ مرۆڤە خەلكێ باژێرێ دهۆكێ یە و ب كوردی و گۆت بێژە ئەحمەد تە چكریە؟ من گۆتێ غەدرە ل من بوویە و بێبەختی ل من هاتیەكرن، و هەر من چ پەیوەندی ل گەل رێكخستنێن نهێنی نین و زێدەتر نوزانم، و گەلەك هاتە من و من گۆتێ ئەز ژ ئەڤێ ئاخفتنێ زێدەتر نوزانم، و ئەو رائید رابوو راپورتەك نڤێسی و تێدا دیاركر، كو ئەڤ مرۆڤە یێ دبێژیت من چ پەیوەندی ل گەل رێكخستنێ نینە و غەدرە ل من هاتیەكرن، و لبنێ كاغەزێ نڤێسی تاوانبار ئەحمەد حەسەن و چونكە مە گەلەك قوتان دیت بوو و ترس ل سەر مە دا دەرباز ببوو، ئەم دشیاین بەرامبەر ئەمنێ باخڤین و من گۆتێ ئیمزا ناكەم، وی گۆتی بۆچی؟ من گۆتێ دووبارە تە ئەزكریمە تاوانبار، و ئەزێ چ دبێژم و تە چ نڤیسی، ئەوی گۆت هندی تو زیندانێ ڤەبی تو مرۆڤەكێ تاونباری و گۆت ئیمزا بكە هوون دێ چنە مال، من گۆتێ زانم دێ جەنازێن مە هنێرنە مال، كرە كەنكی و گۆت بخودێ دێ ب ساخی چیە ناڤ زارۆكێن خوە و من ئیمزاكر و پشتی بورینا سێ هەیڤان ل ئەمنا گشتی ل بەغدا ئەم هاتینە ڤەگوهاستن بۆ ئەمنا بەغدا، و نێزیكی (15) رۆژا ئەم ماینە ل وێ ئەمنێ و ئەم نوزانین بۆچی ئەم ڤەگوهاستین، و دوڤدا ئەم هاتینە ڤەگوهاستن بۆ ئەمنا (ڕسافە) گەلەك یا نەخوش بوو و ئەم هەمی هاڤێتینە دهولەكێ ڤە و هەیڤا شەش بوو بەغدا گەرمەكا ئێكجار زور بوو و نە پانك و نە ساحبە و خوە دەرگەهێ زیندانێ ژی پلێتەك ئێخست بوویێ و بتنێ خودێ دزانیت حالێ مە ل ئەوێ ئەمنێ چ بوو، و ئەم (13) رۆژا ماینە دئەوی حالێ نەخوش دا و پشتی ئەڤی ماوی رۆژەكێ من سەرێ خوە بلند كر، من دیت مفوزەكێ ل ناڤ حەوشێ و مە ئەو مفوز نیاسی و من گۆتە هەڤالێن خوە ئەڤە فلان كەسە، و ئێكسەر هاتە بەردەرگەهێ زیندانێ و گۆت كارێ خوە بكەن دێ چنە دادگەهێ، و مە كارێ خوە كر و ئەم ب ترۆمبێلا برینە دادگەها (سورە) دادگەه گەلەك یا بترس بوو ، ئەوێ ل دادگەهێ هەمی جلكێن لەشكری ل بەربوون و ب چەك بوون، و بتنێ دادوەر و دو كەسێن دی جلكێن مەدەنی ل بەر بوون، و پارێزەرەكی عبایەكێ رەش ل بەر بوو ب بهانا وێ چەندێ ئەڤ كەسەك دێ بەرەڤانیێ ژ مە كەت، و یا ژ من ڤە داواكارێ گشتی ژی عەبایەك ل بەر بوو و بەری مە هندەك بر بوونە ژوور و قەمیسێن خوە ژ بەر خوە دكرن، و جێن قوتانێ و ئێشاندنێ نیشا دادوەری دان، و دوڤدا ئەم كومەك برینە د هولا دادگەهێ ڤە و ل دەسپێكێ پارێزەر ئاخفت و عەلساس دێ بەرەڤانیێ ژ مە كەت، بەلێ چ بەرەڤانی نەبوو، و دوڤدا داواكارێ گشتی ئاخفت و دو ئاخفتن گۆتن پیچەك بهێنا مە هات، ب ئەوان ئاخفتنان و گۆت دیفچوونا ئەڤان هاتیەكرن، ئەف كەسە مرۆڤێن شەریفن و لژنا دوێ یا ڤەكولینێ داخواز كریە ئەف كەسە بهێنە ئازادكرن، و دادوەری گۆت بابێ من ئەڤە دادگەه و تشتێ تە نەكربیت زۆلمێ ل خوە نەكە و تشتێ تەكربیت ل دەف حوكمەتێ بەرزەنابیت، و نە غەدرێ ل خوە بكە و نە خیانەتێ ل حوكمەتێ بكەن، و پشتی ماوەك ب ئەڤێ دانوستاندنێ و ڤەكولینێ ل دادگەهێ دەربازبووی.
