ئەمنێ گۆت: ئیمزا كە دێ چیە مال، من گۆتێ: دزانـم دێ جەنازەیێن مە چنە مال
سالار محەمەد دۆسكی:
4- 5
و ڕەشەكێن ئەمنێ ژێ ڤە نەدبوون هەتا دانپیدان كربا و هەلاویستن ژ هەمیان نەخوشتر بوو چونكە مرۆڤ هەتا ئاستەكی دشێت بەرگیریێ بكەت.
زیندانیێ سیاسی، مەلا ئەحمەد زێوكی رێكانی ئەو ژی گۆت: نەخوشترین جه و سەرەدەریكرن و ئەشكەنجەدان زیندانا زاخۆ بوو و جهێ مخابنیێ یە ئەو كەسێن ئەم دقوتاین هەمی كورد بوون، و بتنێ ئەفسەرێن وان عەرەب بوون، و بەلكو ئەڤێن سەرەدەریا نەخوش ل گەل مە كرین هەر هەمی كورد بوون وەكی مە دئاخفتن و دەمێ ئەم ژ ئامێدیێ ڤەگوهاستینە دهۆكێ مخابنی ڤە هەتا ئەو زێرەڤانێ ل گەل مە هاتی كورد بوو، نوكە گەلەك جاران ل بازاری دبینم و كەسەك ل زاخۆ هەبوو پیرە مێر بوو و هندەك ئاخفتنێن كرێت دگۆتن، و ئەگەر گولەك ل سینگێ مرۆڤی دابا بۆ مرۆڤی گەلەك خوشتر بوو.
زیندانیێ سیاسی، مەلا ئەحمەد رەزیكی رێكانی ئەو ژی نە ڤەشارت و گۆت: ب چ رەنگا نەهاتبوومە رێكخستن و ل سەر كارێ خوە بووم و بتنێ ئەڤا هاتیە سەرێ من توهمەك بوو بۆ من هاتیە دروستكرن و پێشتر هندەك هاتبوونە گرتن و ژ ئەنجامێ ئەشكەنجەدانەكا زێدە دانپیدان كربوو و دەمێ چوونە ڤەكولینێ دا بێژنێ وەرە مادەم تە دانپیدان كریە رێكخستن تورەك نە بتنێ مرۆڤە كە و دڤێت بوومە ناڤەكی بێژی و هندەك بتنێ دا ژ ئەشكەنجەدانێ قورتال بن ناڤێن برایێ خوە دابوویێ دا بژنە ئەڤە رێكخستنە ل گەل مە و سوپاس بۆ خودێ ب ئەزمانێ مە كەسەك نەهاتە دەستە سەركرن و كەسەك ب رێكا مە نەهاتە زیندانكرن، دانپیدانا من ژ ئەنجامێ قوتان و ئەشكەنجەدانەكا ئێكجار زێدە بوو و ئەگەر نەرێكخستی بووم و نە چ هەڤال و كەس ل گەل من بوون، بەلێ هەر كەسەكێ گەهشتبا دەستێ رژێمێ ڤیابا نەڤیابا دڤێت وەكی وا دڤێت تو ئاخفت بای و تە گۆت با ئەزم و من وەكریە نەچار بووم بیژم ئەزم و رێكخستی مە گەلەك ئێشاندەم و ئەوان گەلەك تشت ل دەف خوە بۆ مرۆڤی دروست كرن و دكرنە توهمە و دا بێژی بتنێ قوتانێ بلا بەس بیت بەلێ ئەز ئەڤە مە و ئەڤە هەمی من كرینە.
زیندانیێ سیاسی، مەلا ئەحمەد حەسەن زێوكی رێكانی زێدەتر گۆت: ئەو كەسێ ناڤێ من دایە ئەمنێ كو ئەزێ ل گەل رێكخستنێ ئەو ژی ل گەل من دزیندانێ دا بوو و دەمێ هاتیمە ئازادكرن سەرەدانا من كر ل مال و دایك و بابێن وی هاتنە دەف من و من ئازاكر سوپاس بۆ خودێ و سوپاس بۆ خودێ مادەم زڤریمە دەف دایك و باب و خێزان و زارۆكێن خوە و ئەو كەس هەتا رۆژا دووماهیێ من ئازاكر و لێبوریم، چونكە ئەو ژی شتیمن یێ مەزلووم بوو ئەوا دایە بەر گیانێ من یا دایە بەر گیانێ وی ژی و گەلەك یا نەخوش بوو ئێك بەرێ تە بدەتە مرنێ چونكە براستی كەسەك ژ مە باوەرنەدكر دێ رۆژەكێ ب ساخی ڤەگەریتە مال و ناف كەس و كارێن خوە .
هێشتا گۆت: جارەكێ ل زیندانێ شەف بوو و درەنگی شەف بووزێرەڤانەكێ كورد هات و گازی من كر و گۆت هشیاربی دێ هێنە دەف تە و بێژن هەڤالێن تە دانپیدان كریە و هەمی تشت ئاشكرا كرینە و هشیاربی نە ئاخڤی 2و من گۆت من دانپیدان كریە و ئەوی گۆت خودێ هاریكارێ هەوە بیت، جارەكێ ژی ل زاخو ئێك هەبوو دگۆتنێ مولازم عومەر دەمێ ئێك قوتا دا بێژیت ناڤێ من فلان كەسە ئەزل مەیدان ل بەغدا پاش وەرە تولا خوە ڤەكە و پاش سوپاس بۆ خودێ ل سەرهلدانێ كەفتە سەر جادێ و شەڤەكێ ئەف مرۆڤە هات و سەحكرێ گوت كێ هوسا چێكریە و ڤەكر و پشتێ كەلامچا من هند تەنگر هەتا سپێدێ نەشیام بنڤم و ئەو شەڤ بەر من بوو سالەك و كەلامچە دەستێ من دا چوو خارێ و چ جارا وێ شەڤێ ژ بیر ناكەم.
هەمان زیندانیی سیاسی گۆتژی: ئەو هەر (82) كەس خەلكێ هەمە جور بوو دهۆك، زاخۆ و سێمێل و بامەرنێ ئەم شێلادزێ بووین و زێدەتر خەلكێ زاخۆ بوون و ئەڤە هەمی ژی توهمە بوون و دەسپێكێ توهمە بۆ هندەكا هاتە دروستكرن و ژ ئەنجامێ ئەشكەنجەدانا زور ئێكی ناڤێ ئێكی دایێ و هەتا ئەم بووینە (82) كەسەك ژی وەك پێشتر من ئاماژە پێكری ژ ئەنجامێ ئەشكەنجەدانەكا ئێكجار زور ل زاخۆ گیانێ خوە ژ دەست دا و ئەم هەمی زەلام بووین و چ ئافرەت ل گەل مە نەبوون.
