ئەمنێ گۆت: ئیمزا كە دێ چیە مال، من گۆتێ: دزانـم دێ جەنازەیێن مە چنە مال
سالار محەمەد دۆسكی:
5- 5
هەمان زیندانیێ سیاسی، مەلا ئەحمەد حەسەن رێكانی گۆت: گەلەك جاران ل بەر ئەمنا دهۆكێ را دەربازدبم ئەو بیر دهێنە بیرا من و دیسا ئەمنا ئامێدیێ ژی بەرامبەر هولا تازیا یە و گەلەك جاران وەكی چمە تازیەكێ ئو دیمەن و رۆژێن نەخوش دهێنە بیرا من.
زیندانیێ سیاسی و مامۆستایێ ئاینی ئەو ژی گۆت: دەمێ سەرهلدانا سالا 1991 دەست پێكری ئێكەم پێشمەرگەیێ هاتینە ناڤ ئاخا كوردستانێ هاتنە ناڤ ئاخا شێلادزێ د.كەمال كەركووكی و شەریف ئورەیی و پێشمەرگە ل گەل بوون، و رژێما بەعس هاتیە ڕامالین، و دوڤدا نەوروزێ دەستپێكر و ئێكەم ئاهەنگا نەوروزێ مە ل كومەلگەها سیریێ كر، ئەز و برایەكێ من و هەڤالەك بوو نوكە یێ ل وەلاتێ نەرویچ و كورخالەكێ من بوو شەهید بوویە خودێ ژێ رازی بیت، و لەتیف نێروەیی و دەسپێك بوو هێشتا زی ب زی كەسەك نەوێریا خوە ئاشكەرا بكەت، بەلێ ئەو زولم و زورداری یا مەدیتی و ئەو ترس و سەهما دوژمنی مە دناڤ خەلكی دا شكاند و پشتی مە ئاگەهنگ كری، و ئەم دوڤدا چووینە سەر روویێ شوین و هەڤالەك ژ ئەوان هەڤالان گۆتە من تۆ دزانی گەفێن ل تەهاتینەكرن ڤە من گۆتێ ئەڤ جارە وەكی جارادی نینە و ئەگەر ئەو بهێن من دەستەسەربكەن ئەز دێ ل دیاربەكر چم.
هەمان زیندانیێ سیاسی گۆت ژی: دەمێ سەرهلدان دروست بووی ل كوردستانێ بەعسیان ل شێلادزێ چ بەرگێری نەكر، و ئەو فرقا لەشكری هەر هەمی ب ئێكجار كەفتنە سەر جادا و چەكێ خوە دانا و رەنگە زارۆكەك هەبا دشیا ب سەدان جندیان ژ چەك بكەت، و تشتەكێ غەریب بوو هەر نەشیان چ لڤینان بكەن و سەرهلدانێ مە پشكداری تێداكر و هەر هاریكاریەكا مە دشیان دا هەبوویە مە بۆ پێشمەرگەی كر، و جماعەتێن مە رێكانی یا ل گەل بوون و ئەم ڕێ خوشكەر بووینە و كەیفا خەلكی گەلەك هات، و بتنێ كەیف و خوشی بوو و لەشكرێ رژێمێ هەر چ نەكر و ب ئێكجاری خوە ڤەكێشا .
مەلا ئەحمەد حەسەن زێوكی رێكانی، زێدەتر گۆت: پشتی سەرهلدانا پیرۆز و ئەم چووینە كوچا ملیونی و زڤرین و دروست بوونا حوكمەت و پەرلەمانێ كوردستانێ و هەلبژارتن هاتینەكرن، من دەست ب خواندنا خوە كر و ئێكەم جار زانكۆیا دهۆك هاتەڤەكرن، و هەر دو كولیژێن چاندنێ و شەریعێ هاتنە ڤەەكرن و ل كولیژا شەریعێ ل زانكۆیا دهۆكێ و ئەم ئێكەم وەجبە بووین هاتینە وەرگرتن، وی دەمی ئەم دەرچووێن ئامادەیا پیشەسازی بووین و ئەم وەرگرتین و سالا دوڤدا دەرچووێن ئامادەیا پیشەسازی نە وەرگرتن و ل سالا 1996 ئەز دەرچووم و ئێكەم سال من دەست ب گۆتنا گوتارێن ئاینی كر، و هاتمە دامەزراندن و ئێكەم دامەزراندنا من ل گوندەكێ بەرواری ژێری یا بوو بناڤێ (شكەفتێ)، چووم من گوتارا رۆژا ئەینی ل وێرێ دگۆت و دزڤریمە ڤە وی دەمی لژنا ناوچا ئامێدیێ و خودێ ژێ رازی (بەهجت نایف) ل گەل هندەكێن خەلكێ شێلادزێ ژ من خواست بچمە شێلادزێ گوتارا بخودینم و چوومە مزگەڤتا مەزن ل سیریێ (10) سالان مامە ل وێرێ، دوڤدا كاودانەك دروست بوو و رێڤەبەرێ ناوچا دێرەلوكێ خواست بچمە دێرەلوكێ و سوپاس بۆ خودێ هەردەم گوتارا من گوتارەكا دروستە و یا ئاشتی خوازیێ یە و پشتی (3) سالان ژ دانا گوتاران ل دێرەلوكێ و ماوێ چەند سالان جێگرێ سەرۆكێ ئێكەتیا زانایێن ئاینی بوویە ل ئامێدیێ و هەمان دەم ژی دا ئەندامێ لژنا فەتوایێ بوویە، سالا 2008 هاتمە ڤەگوهاستن بۆ باژێرێ دهۆكێ و ل مزگەڤتا (جودی) من دەست ب گۆتنا گوتارا كر و هەتا نوكە ل ڤێ مزگەڤتێ یێ بەردەوام ، چار سالان ئەندامێ لژنا زانستی بووم ل وەزارەتا ئەوقافێ و هەر كەسەكێ باوەرناما خوە راستڤەكربا ئەز ئێك ژوان كەسان بوویمە یی مە تاقیكرن پێ دكر، ناڤبری ئەو ژی ئاشكەراكر كو ب هەلكەفتا پارێزگەه بوونا دهۆكێ ئەف سالە 2025 خەلاتێ دانا باشترین گوتارا سلمی ژلایێ پارێزگەرێ دهۆك ڤە هاتە خەلاتكرن، چەندین سالان وانە گۆتینە ل سیریێ و دیسا پەیمانگەها ئاینی ل دهۆكێ.
مامۆستایێ ئاینی ئەو ژی گۆت: ل زیندانێ قورئانەكا بچیك ژوور ڤە هەبوو و هەر دەم من خاند و گەلەك جاران ژی بو هەڤالان تاخفتم، بیرا من دهێت ل ئەمنا گشتی ل بەغدا (11) هول بوون و نافبەرێن وا هەمی ئاسن بوون و بیرا من دهێت (11) ئیمام ل ئەوێ زیندانێ بوون و بیرا من ل هەیڤەكا رەمەزانێ دهێت و ئێك ژ وا خەلكێ بەغدا بوو و نڤێژ و تەراویح بەرامەدكرن و مە پێكڤە تەروایح ل پشتكرن و ب ئەڤی تاعەتی پیچەك سەبرا مە دهات و بیرا من دهێت ئیمامەك هولا وان تەنشت هولا مە بوو بوومن تفیسرا سورەت (ال عمران) شلوڤەدكر .
مامۆستایێ ئاینی ملا ئەحمەد رێكانی ب رێكا ئەڤرۆ ئەو ژی گۆت: چ جاران حەقێ دایك و بابێن خوە و تایبەت بابێ خوە ل سەر خوە ناراكەم ئەو قەهر و كوڤانێن ل سەر من خارین و ئەو روندێن سەرا من باراندین و گەلەك جاران دا بێژیتە من هەتا سپێدێ ژ هزرێن تەدا نە نڤستی مە و دلێ من هەر ل گەل تەبوو
ل دووماهیێ، زیندانیێ سیاسی و مامۆستایێ ئاینی مەلا ئەحمەد حەسەن زێوكی رێكانی گۆت: پەیامن بۆ سەركردایەتی یا كوردستانێ یە و بێژمێ ئەو نەخوشیا خەلكێ مە د دەستێ دوژمنێن خوە دا دیتی بلا حوكمەت و سەركردایەتی یا كوردستانێ كارەكی هوسا بكەت ئەف كەسانێن وەك مە نەخوشی دیتی ئەو بیرهاتن ژ بیرا وا بچن و خەلكێ كوردستانێ گەلەك قوربانی داینە شەهیدبوون، زیندانی، دەربەدەری هزرێن خوە بكەن چەند ەنجان خوینا خوە رێتی یە بن تراش و نەهال و چیا ڤە و چەند گەنج و لاوان ستویێ خوە ئێحستیە بەر مەشنەقێ هەتا ئەڤرۆ ب ئازادی ئەم شیاین بژین و باخڤین و سوپاس بۆ خودێ هێشتا ئەم دساخ مە ئازادی دیت و كاودانێن بەرتەنگ ب سەرمەدا هاتینە و نەدانا ئەڤان مووچان و ئەگەر بەرەوردیەك بهێتەكرن نەخوشیێن نوكە ل گەل نەخوشی و ترسا جاران ئەز بێژم بلا ترسا جاران نەبیت و هەمان دەم داخازێ ژ حوكمەت و بەرپرسێن كوردان دكەم خوە ل خەلكێ خوە بكەنە خودان و تشتەكێ هوسا نەكەن ئەو خەلكێ ئەو نەخوشی دیتی و ئەو جەگەر سوتی و كورێ وی پێش چاڤێن وی هاتیە رەمیكرن و گۆتیێ وەرە پارێ گولان بینە و نابیت تازیێ بدانی و داخازا دوژمنی بكەت و نەكو ئەو گەلەك حەز دوژمنێ كوردان دكەت و نەكو وی دڤێت ئەو دوژمن بزڤریتە ڤە بەلكو ئەڤە ژ جەگەر سوتنا خوە دا و دخازێ ژ بەرپرس و حوكمەتا خوە دكەین ل ئاخفتنا خەلكی نەگرن و دەمێ دبینت هەمی ژیانا خوە بۆ ئازادی یا وەلاتی تەرخانكری و گەلەك ئەشەنجەدان و قوتان دیتی یە و دەمێ دبینت چ ل بەر دەستێن وی نەبیت رەنگە ژ تورەبوونا خوە دا تشتەكی بێژیت لەوما دێ دووبارە كەم ل خەلكێ مە نەگرن ئەگەر تشتەكی بێژن یا ئاخفتنەكێ.
