ئەم رۆمانێ چاوا دبینین و چاوا دخوینین ؟
سەلوا محەمەد نهێلی
رۆمان: ئێك ژ وان پەرتوكێن هەرە گرنگ و بەر بەلاڤن دناڤا هەمی مللەتاندا بگشتی. دنهادا سەردەم سەردەمێ رۆمانێ یە، ئانكو پەرتو,كا رۆمانێ جهێ خو ددلێ خەلكی دا كریە، د هەمی تەمەناندا لێ ب تایبەتی گەنجان.
دراستی دا، خواندەڤانێ پەرتووكان د كوردستانێ دا ب رێژەكا كێمە نەخاسمە ل دەڤەرا بادینان رێژا وان كێمتر ژ وێ چەندا مرۆڤ هزر تێدا دكەت، ئەو رێژە ژی ئەگەر گەنج بن زێدەتر ب رۆمانێ ڤە دگرێداینە. ئانكو حەزا وان ل سەر رۆمانێ زێدەترە ژ هەر پەرتووكەكا سیاسی، هزری و گەشەپێدان… ژبەركو زمانێ رۆمانێ ناڤەرۆكا وێ و چێرۆكا وێ یا راستەقینە یان خەیالی بیت بو خواندەڤانێ نها خۆشتر و سادەتر، ئەڤجا رۆمان یا گرێدایی عەشق و ئەڤینی یان ژی سیاسی و هونەری، ئەدەبی…بیت.
ئەگەر ئەم بهێن ل ناڤەرۆكا هەر رۆمانەكێ بنێرێن دێ جوداهیا هەر رۆمانەكێ زانین كا چ چێرۆك بۆ مە دیار كریە، لێ دگەل هندێ پرانیا رۆمانان پەیوەندێن ب ئێكودو ڤە هەنە؛ چونكە خالێن وەكهەڤ هەنە، مینا وێ ئێكێ كو 90% هەر رۆمانەكا بخوینی دێ چڤاك، سیستەمێ دەستهەلاتداریێ، دابونەرێت، هونەرێ ئاخفتنێ… و ژیانا هەر مللەتەكی تێدا دبینی.
ئارمانج ژ ڤێ مژارێ ئەوە ئەم ب دروستی ناڤەرۆكا رۆمانێ بگەهین پێكۆلان بكەین لایەنەكی بتنێ نەبینین نموونە: ئەگەر ل سەر دو ئەڤیندارا بیت یان كەسەكی بیت ئەم وان بتنێ نەبینین، رۆمان ژ روێدان و بویەران نەیا ڤالەیە، بلا ئەم هەول بدەیێن ب تیر و تەسەل ب خوینین خالێن گرنگ ژێ وەربگرین باشی و خرابیا بابەتی ببینین و ئەو تشتێ مە دایە دیار كرن مینا جڤاك، دابونەرێت، هونەرێ ئاخفتنێ، سیستەمێ ب رێڤە برنێ، هەمیا ئێك ب ئێك بزانین داكو مەرەما رۆمانێ بگەهین زێدەتر خۆشییێ ژێ وەرگرین، داكو بتەمامی مفا ژ پەرتووكا ب ناڤێ رۆمان بهێتە وەرگرتنێ.
