ئەنجامێن ئێك هەلوەستیا لایەنێن كوردی دەسكەفتێن مەزن ب دەستڤەهاتن
زیاد میرزا
پشتی چەندین فشار و هەولێن نەحەز و خۆفرۆشان ل دژی كابینەیا نەهە یا حوكمەتا هەرێما كوردستانێ ب سەرۆكاتیا بەرێز مەسرۆر بارزانی و خەلكێ خوراگرێ هەرێما كوردستانێ تایبەت فەرمانبەران ل دوماهیێ هەرێما كوردستانێ بسەركەفت سەرەرای چەندین بهانەیێن بێ بنەما یێن ئیراقێ بۆ لاوازبزونا قەوارەیێ هەرێمێ، بەلێ سەر نەگرت و بۆ هەمی لایەنەكێ ناڤخۆ و دەرڤە دیاربوو حوكمەتا هەرێمێ و خەلكێ كوردستانێ یێن سەر رێكا راست و درست یا دیموكراتی. بەلێ یا گرنگ د ڤی بابەتی دا خۆراگریا بەرێز مەسرۆر بارزانی كو چەند دەرگەهەك ل گەلێ مە دهاتە گرتن، جەنابێ سەرۆك وەزیران دەرگەهەكێ دی دوبارە ڤەدكر تا دوماهیێ ل دەسپێكا سالا نوی دیاربوو حوكمەتا ئیراقێ یا سیاسەتا برسیكرنێ ل دژی خەلكێ مە بكاردئینیت دا خۆ ل بەرامبەر ئیراقێ بچەمینین، بەلێ د دەسپتێشخەریەكی دا بەرێز مەسرۆر بارزانی داخوازا هەلوەست وەرگرتنێ بەرامبەر حوكمەتا ئیراقێ كر و داخواز ژ سەرجەم لایەنێن سیاسی یێن كوردی یێن پشكداری هەردو حوكمەتا و یێن نە پشكداری هەردو حوكمەتان. بۆ بەرژەوەندیا گەلێ مە كۆمبوونەك بێتە ل هەولێر ئەنجامدان، دا هەلوەستەك بێتە وەرگرتن و پەیامەك بگەهیتە حوكمەتا ئیراقێ، ئەگەر ل سەر ڤێ سیاسەتێ بەردەوام بن؛ دویر نینە لایەنێن سیاسی یێن كوردی خۆ ژ پرۆسەیا سیاسێ ل ئیرقێ ڤەبكێشن، ب راستی دەستكەفتێن ڤێ كۆمبوونێ زۆر گرنگن و گەلەكن ب كورتی دێ ب چەند خالەكێن گرنك دەینە دیاركرن:
1ـ رێكەڤتن د ناڤبەرا هەردو شاندێن هەرێمێ و بەغدا دا هاتەكرن و كێشەیا مووچەی بۆ هەر ۱۲ هەیڤێن ۲۰۲٥ هاتە چارەسەركرن.
2- سەراستكرنا یاسیا بۆدجێ بۆ سالا ۲۰۲٥ هاتە پەسەندكرن كو تێدا هنارتنا نەفتا هەرێما كوردستانێ بۆ دەرڤە دوبارە ب یاسایی دەست پێ بكەت. ژ ئەڤرو وێڤە دێ هەرێم كەفتە سەر نەخشێ جیهانێ یێ وزەیێ.
3ـ یاسا هەلوەشاندنا بڕیارا حوكمەتا ژ ناڤچووی یا بەحس سەبارەت ڤەگەریانا زەڤیێن جۆتیارێن كورد ل دەڤەرێن كوردستانی یێن دەرڤەیێ ئیدارا هەرێما كوردستانێ.
٤- یاسایا لێبۆرینا گشتی كو ب هزاران زیندانیێن سونە مەزهەب دێ هێنە ئازادكرن، ئەڤەژی دێ بێتە مەترسی ل سەر حوكمەتا شیعی كو دێ بیتە ئەگەرێ ناكۆكیێ د ناڤبەرا لایەنێن سیاسی یێن ئیراقێ دا تایبەت لایەنێ سونی و شیعی، ئەڤەژی د بەرژەوەندیا لایەنێ كوردی دایە.
