ئەنشلوتی ژ مورینھوی باشترە
ئەڤرۆ:
بەرەڤانێ ئسپانی سێرجیو راموس یاریکەرێ یانا ریال مەدرید قارەمانا ئوروپا بەرەڤانی ژ راھێنەرێ ئیتالی کارلو ئەنشلوتی کر و دیارکر کو بارودوخێ نوکە یێ یانێ گەلەک باشترە ژ وی دەمێ یانا ل ژێر سەرپەرشتیا راھێنەرێ پرتوگالی جوزێ مورینھو راھێنەرێ نوکە یێ یانا چێلسی سەرکێشا سەرێ لیستا خولا پلا نایاب ئێنگلیزی.
زێدەتر راموسی د داخویانێن روژنامەڤانی دا دیارکریە ئەنشلوتی ژ باشترین راھێنەرێن جیھانێ یە و چو بەراوەردی ل گەل مورینھوی نینە و جەماوەر و دەزگایێن راگەھاندنێ ژی باش ڤێ چەندێ دزانن کو ل سەر دەمێ ئەنشلوتی ریال باشترە و شیایە دەسکەفتان تومار بکەت و ل دووماھیا گوتنێن خوە راموسی ئاشکەراکر کو د شیانێن ریال مەدرید دایە بەر ب ناسناڤێ قارەمانیا ئوروپا بچن و دیسان ھەڤرکیا ناسناڤێ لیگا ئسپانی بکەن سەرەرای ھەبونا جوداھیا چار خالان ل گەل سەرکیشا خولێ بەرشەلونە.
