ئەنەسەکە ژ بۆ عەفرینێ داخوازەکێ ژ جڤاکێ نێڤدەولەتی دکەت
ئەڤرۆ نیوز، هۆشەنگ تاجر:
مستەفا جومعە ئەندامێ مەکتەبا سیاسی یا پارتی دیموکراتی کوردستان/ سووریا بۆ ئەڤرۆۆ نیوز دیار کر کو ئەنجوومەنێ نیشتیمانی یێ کوردی ل سووریێ داخواز ژ جڤاکێ نێڤدەولەتی کریە کو گرۆپێن چەکدار یێن سەر ب تورکیا ژ عەفرینێ بهێنە دەرخستن و گۆت: (گرۆپێن چەکدار زۆرداریێ ل کوردان دکەن، ب سەدان وەلاتیێن کورد ژ عەفرینێ رەڤینە و هەتا نها ژی نەشیاینە ڤەگەرنە مالێن خوە، ژ بەر هندێ ژی دڤێت گرۆپێن چەکدار ژ عەفرینێ دەرکەڤن).
ناڤهاتی ئەو یەک ژی دیار کر کو دڤێت جڤاکێ نێڤدەولەتی فشارێن خوە ل سەر تورکیا زێدە بکەت دا کو بەرپرسێن تورکیا نەچار بن گرۆپێن چەکدار ژ عەفرینێ دەرخینن، چونکو هەر کەس دزانیت ب پشتەڤانیا تورکیا گرۆپێن چەکدار نها ل عەفرینێ نە و رۆژانە ژی مافێن مرۆڤی بنپێ دکەن.