ئەو خوارن و ڤەخۆارنێن پیستی جوان دکەن
ئەڤرۆ نیوز:
فراولا: برەکا زۆر یا فیتامین سی تێدایە و کو ب دژی پیربوونێ دھێتە نیاسین،ھەروەسا نەرمی و تەراتیەکا زۆر ددەتە پیستی و رێکێ ل تێکچونا ماددێ کۆلاجین دگریت و ناھێلیت خانێن پیستی تێک بشکێن.
زەیتا زەیتوونا: تۆ دشێی مفایەکێ باش ژێ وەربگری،چ ب رێیا چێکرنا خوارنێ یان ژی ب رێیا مەساجکرنێ بیت ل سەر لەشێ خوە،چونکی برەکا باش یا ماددێ دژی ئۆکسیدنتی تێدایە.
چایا کەسک: ب ئێک ژ ساخلەمترین ڤەخوارنێن ب مفا دھێتە دانان،سەرەرای ھندێ کو پیستەکێ جوان د بەخشیت،ھەروەسا بۆ بەرگریکرنێ ژ گەلەک نەخۆشیێن مەترسیدار مفا ژێ دھێتە وەرگرتن،لەورا ھەول بدە ل جھێ چایا رەش چایا گەسک بکار بینە بۆ ڤەخوارنێ، ھەروەسا تۆ دشێی رۆژانە دو کیسکێن چایا کەسک ب راکێشان دانیە سەر ھەردو چاڤێن خوە بۆ ماوێ 15 خۆلەکا و پەستانێ بێخیە سەر،ئەڤ چەندە ھاریکاریا ژێبرنا خانێن مری و یێن پیس یێن ل سەر پیستی ددەت،ب مەرجەکێ کیسێ چایێ یێ سار بیت و دناڤ بەفر ھەلگرێ دا بیت،بەلێ د وی دەمی دا چاڤێن خو بگرە، بۆ ھندێ تۆزکا چایێ نەچیتە چاڤێن تە.
ھنار: خوارنا ھنارێ ژی مفایەکێ زۆر ھەیە و پیستی مرۆڤی ب جوانی دھێلیت.
