ئەو سیفەتێن دبنە ئەگەرێ کێمبوونا بهایێ زەلامان ل دەف ژنان

ئەڤرۆ نیۆز،زنار تۆڤی:

چەند سیفەتەک دبنە ئەگەرێ هندێ کو زەلام ل بەرچاڤێن ژنان کێم ببن و بێ بهابن ل دەف وان،خۆ هەکە بەری هنگێ حەز ژێکرنەکا گەلەک بۆ وان هەبیت ژی،لەورا د جڤاکێ رۆژهەلاتیدا،دڤێت زەلام نموونا وێرەکیێ و ئازایەتیێ و بەرپرسیاریەتیێ هەلبگرن و د كامل بن،ژ وان سیفەتان ژی:

.دلێ خوە دبەنە پارێ هەڤژینا خۆ:هندەک ژ زەلامان دەمێ هەڤژینێن وان ژ روویێ پیشەیی ڤە دسەركەفتی بن و داهاتەکێ باش بهێتە دەستێ وان،تەماعی زەلامێن وان دگریت و زەلام ژبەر پرسیارەیەتیێ دووردكەڤیت و دهێلیتە سەر ملێن هەڤژینا خۆ،ئەڤ سیفەتە زەلامان ل بەرچاڤێن ژنان كێم و بێ‌ بها دکەت.

.نەپاقژی: هندەک ژ زەلامان وەسا هزر دکەن،هەکە زێدەتر پەیوەندیێن سۆزداریێ هەبن و چەندین ژن د ژیانا وان دا هەبن،ئەو زەلامینیا خۆ د سەلمینن و ل دەف وان ئەڤە دەستكەفتەکێ مەزنە، ئەڤ هزرکرن و نەپاقژیە ژیانا هەڤژینیێ تێكددەت و هەستێ گومانێ و پاشی تۆلڤەکرن جهێ هەستێن باوەریێ و حەز ژێکرنێ دگریت دناڤبەرا زەلامی و هەڤژینا وی دا.

.درەوکرن:زەلام ل بەرچاڤێن وان ژنان بێ بها دبن،دەمێ د خەیالێن خۆدا چیرۆكێن درەو دروست دكەن و بەردەوام دبن ل سەر وان جۆرێن درەوكرنێ.

.کێم تەرخەمی: هەر چەندە ئەڤێ پەیوەندی ب لایەنێ ساخلەمیێ ڤە هەیە و پێدڤی ب چارەسەركرنێیە،بەلێ دەمێ رەوشەنبیریا تەمام ل دەف هەڤژینێ وێ نەبیت، ئەڤە ژی دێ بیتە ئەگەرێ كێمبوونا بهایێ زەلامی.

.ترسیان ژ ژنێ: هندەک ژ زەلامان دەمێ گوهداریا هەڤژینێن خۆ دکەن،بەلێ ئەڤە نە ب ئەگەرێ حەز ژێکرنێ و لێك تێگەهشتنێ و رێزا دناڤبەرا وان دایە، بەلكو ب ئەگەرێ ترسێ و لاوازیا كەسایەتیا وانە، ئەڤ جۆرێ زەلامان بێ‌ بها دهێنە دیتن ل دەف هەڤژین و زارۆیێن خۆ.

کۆمێنتا تە