ئەو كرێكارێن پارە ژ نەخۆشخانەیا ئازادی دزین هاتینە گرتن
دهۆك، لەزگین جۆقی:
رێڤەبەریا نەخۆشخانەیا ئازادی یافێركرنێ ل پارێزگەها دهۆكێ راگەهاند، ئەو وەكو نەخۆشخانەیا ئازادی یا فێركرنێ ل پارێزگەها دهۆكێ رادگەهینن، پشتی كارگێریا نەخۆشخانەیا ئازادی هەست ب هەبوونا كێمكرنا گوژمەكێ كێمێ پارەی كری، ژ ئێك ل وان سندۆقێن بۆ كۆمكرنا هاریكارییان بۆ نەخۆشێن پەنجەشیرێ ل نەخۆشخانەیا ئازادی هاتینە دانان، ب هەماهەنگی ل گەل بنگەهێ پۆلیسێن نەخۆشخانێ دووڤچوون هاتیە كرن.
د. سەگڤان سلێمان خەمۆ، رێڤەبەرێ نەخۆشخانەیا ئازادی یافێركرنێ ل پارێزگەها دهۆكێ گۆت: «د ماوێ چەند رۆژان دا توهمەتبار هاتنە ئاشكراكرن و دەستەسەركرن، ل دووڤ یاسایێ سەرەدەری د گەل دا هاتیە كرن، پێنج كریكارێن كۆمپانیا پاقژكرنێ بوون، رابووینە ب ئەنجامدانا ڤێ تاوانێ، كارمەند و ستافێ ساخلەمیێ چو پەیوەندی د گەل دا نینە».
