ئەو كەسێن ب ڤیزا گەشتیاری چووینە حەجێ زیان ب هەموویان گەهاند
دهۆك، پەروین سەلاح:
سەرۆكێ لقێ دهۆك یێ ئێكەتیا زانایێن ئاینێ ئیسلامێ دیار كر، ل دەمێ ئەداكرنا رێوڕەسمێن حەجێ، ل وەلاتێ سعودیێ پلێن گەرمێ گەلەك بلند بوون، گەهشتبوونە پێنجی پلەیان، ڤێ ژی كارتێكرنەكا گەلەك ل خەلكی كر، ١٣٠٠ كەسان گیان خۆ ژ دەستدان و ل هەرێما كۆردستانێ نێزیكی ٣٠ حەجیان گیانێ خوە ژدەست داینە.
مەلا جیهاد دوسكی، سەرۆكێ ئێكەتیا زانایێن ئاینێ ئیسلامێ لقێ دهۆكێ و وەك سەرپەرشتێ حەجیان ل پارێزگەها دهۆكێ بو رۆژناما ئەڤرۆ گۆت: ئەڤ سالە حەج ب شێوەیەكێ ب زەحمەت بۆ مێڤانێن مالا خودێ برێڤەچوو، ئەڤ كەسانێن گەشتیاری یێن هاتین ب رێژەكا گەلەك پتربوون ژبلی ئەڤا هاتیە راگەهاند، مە ب چاڤێن خوە دیت ژ ملیۆنان وێڤەبوون یێن پشكداری د حەجێ دا كرین، چ ب ڤیزا گەشتیاری بیت یان ژی ب رێكەكا دی، یان ئەو دەولەتێن سنۆرێن وێ نێزیكی ئەرەبستانا سعودیێ.
ناڤهاتی گۆت ژی: هەروەسا وەك رێژا حەجیێن كۆردستانێ ژی ئەوا بۆ هاتیە دەستنیشانكرن ب رێكەكا حكۆمی یا ئیداری درست بوو بهێن پشكداریێ د ئەداكرنا ئەركێن حەجێ دا بكەن، سوباس بۆ خودێ باشبوو مە جهێ ڤەحەواندنەكا باش دایێ و دگەل خارن و ڤەخارنێن وان و پاس بۆ گرتبون بۆ جهێ چوونا عەرەفێ و مینایێ.
ناڤبری ئاماژە دا وێ چەندێ: ئەرەبستانا سعودیێ پێشبینیا رێژا ڤان كەسان نەدكر و كار و ئەركێن ڤان گەشتیاران د رێكخستی نەبوون بێ گومان جهێ ڤەحەواندنێ هەبوون بەس چوونا سیاران بۆ جهێ عەرەفێ و مزدەلیفێ ژێ قەدەغه كربون، هەروەسا پلێن گەرمێ گەلەك د بلند بوون، گەهشتبوونە پێنجی پلەیان، ڤێ ژی كارتێكرنەكا گەلەك ل خەلكی كر، ژبەر وێ گەرمێ نێزیكی ١٣٠٠ كەسان گیانێ خۆ ژ دەست دا و ل هەرێما كۆردستانێ ژی ٣٠ حەجی.
مەلا جیهاد دیاركر: ئەڤێن ب ڤیزا گە شتیاری سەرەدانا حەجێ كری نابێژم حەجا وان قەبیل نینە یا مقبولە، لێ هندەك كێماسی هەبوون و كارتێكرنا خوە كریە هەوجەی ڤێ چەندێ ناكەت، گونەهە مرۆڤ خوە بخینتە د ڤێ رەوشێ دا، چونكە مە ب چاڤێن خوە دیت پولیسان دگرتن و حجز دكرن و دەردئێخستن، هندەك جاران دا هێنە دورماندوری ئۆتێلێن مە، ئەم وەك كورد هندی مە شیابیت مە دیت ئەڤە هەر كوردن موسلمانن مە هاریكاریاوان دكر بەس پۆلیس هەر دناڤا جهێ مەدا بوون نە دهێلا كەس نێزیكی ترۆمبێلان ببیت، ب راستی گەلە ك رەشا وان گەشتیاران نە باش ب رێڤە چوو.
ل دووماهیێ گوتژی: ئەڤێن د ئەركێن ئەداكرنا حەجێ دا ب ڤیزا رەسمی هاتین بۆ فەرزكرنا ئەركێن حەجێ گیانێ خوە ژدەست بدەن شەهیدن، لێ بۆ نموونە هەبووینە حەجاج گەلمە شرینقێن شێربەنجێ دانان و هاتبون ئەم گەلەك ب ڤان ڤە د وەستیاین مە دبرنە نەخۆشخانان گەلەك جورێن حەجیان هەبووینە، دگۆتن بلا ئەم ڤی جهێ پیرۆز بمرین، لێ ئەز دبێژم گونەهە ئیسلام نەدگە ل ڤێ چەندێ یە، چونكە رۆحاتە مۆلكێ تەیە دەستێ تە دا و دڤیت پارێزی وەكی پێغەمبەری سلاڤ سەربن گوتی واجبە هین ئێشێن خوە دەرمان بكەن.
