ئەو هەردو کچێن هاتینە سۆتن گیانێ خۆ ژ دەستدان
ئه‌ڤرۆ نیوز،سه‌باح زوهێر:
به‌رى دو روژان ل گوندێ گربیش ناحیا دینارتێ ژ ئه‌نجامێ به‌ردانا غازێ ل مالدا و هه‌لكرنا ئاگرى،ئاگر به‌ردبیته مال د ئه‌نجامدا چار كه‌س دبنه قوربان دوێ مالێ دا ب ناڤێ(له‌یلا ره‌شید،كه‌لسوم یاسین،رێنجبه‌ر جه‌حفه‌ر،نه‌وروز ابراهیم حه‌جى) كو ئه‌ڤ رویدانه ل ئێڤاریا چارێ ڤێ مه‌هێ رویدابوو،ل دوڤدا ژبه‌ر برینێت وانێت سه‌خت ره‌وانه‌ى نه‌خوشخانا سوتنێ كرن ل دهوكێ.
ژێده‌ره‌كێ بۆ ئه‌ڤرۆ نیوز دا دیاركرن كو ل مه‌غره‌بیا ئه‌ڤرۆ رێكه‌فتى 6/1دو ژوان كه‌سان بونه قوربانى و گیانێ خوه ژ ده‌ست دا بناڤێ(نه‌وروز ابراهیم و كلسوم یاسین)كو هه‌ردو كچ دخاستى نه و بۆ ماوه‌كێ كێم دا ئاهه‌نگێت خوه كه‌ن،لێ قه‌ده‌را وان بۆ ئه‌گه‌ر كو نه‌شێن ئاهه‌نگا خوه بكه‌ن و ژ ڤێ جیهانێ باركه‌ن ب ڤێ چه‌ندێ خه‌مباریه‌كا مه‌زن ڤان هه‌ردوویان ل دوڤ خوڤه ئینا.
