ئەو هەیڤا ژ ڕۆژا خۆ درەڤیت
كەسەر ئەحمەد
دناڤ چەقکێن دارێ دا
تەماشەی من دکر دەما دار دکەزاخت
دو چاڤێن بهێز و تیژ هەبوون
جارەکێ تەماشەیی من دکر
دەهـ جاران ل پشت خۆ دزڤریت
هەلبەست ب بەژنا من ڤەدهاندن
هەر شەڤ پێکۆلا هاتنا ژۆر دکر
دترسم رۆژەکێ سنوورێ خۆ ببۆرینیت
دوبارە ل هەمان جهـ
پێکۆلا بەرێ خۆ دانا من بکەت
وەکی ئالۆدەیەکێ سیستەمی
ل سەر جادەیێ ل بەرامبەر چاڤێن من
یاریا ب ئەوێ دیکێلا دەستاندا دکەت
مەیەکا بریندا فردکەت
ژ من دبۆریت ژ هشین خۆ دچیت
دزڤریت.. دوبارە ژ هشێن خۆ دچیت
دمریت و من نابینیت
هندەک جاران دڤێت
ب تەمامی خۆ دناڤا رویێن من دا بەرزەبکەت
چاڤێن وی تەمەت ئەسمانان دمەزن
لێ دگەڕم چ چاڤ ل سەر دێمێ وی نینن
ئەو ب چاڤێن من تەماشەی من دکەت
چ سێربەندە ل چاڤێن من دگەڕیت
ژ بۆ سارێژکرنا برینێن خۆ یێن
تاری و تەزی
ل رۆژێ ل گۆڕێ خۆ دگەڕیت
دڤێت بمریت
دا چ جاران ژ دەرگەهێ من نەبۆریت.
هەرشەڤ پێکۆلا دکەت
دووبارە ڤەدگەڕیت
پرتەک ژ تەنشتا وێ ڤەدبیت
دوبارە دزڤریت
هەیڤەکێ ل ژیێ من زێدەدکەت.
