ئەو وەلاتیێن د لژنا نۆشداری دا دەرنەچووین نەشێن بچنە حەجـێ
زنار تۆڤی:
پەیڤدارێ رێڤەبەرییا حەج و عومرێ ل هەرێما كوردستانێ دیار كر، هەتا نوكە 10 وەلاتی ئەوێن ناڤێن وان هاتین بۆ فەریزەیا حەجێ، ژ پشكنینا لژنا نۆشداری دەرنەچووینە و نەشێن فەریزەیا حەجێ بجهبینن.
كاروان ستوونی زێدەتر بۆ رۆژناما ئەڤرۆ دبێژیت: دەمێ چەند رۆژایە پرۆسا پشكنینا نۆشداری ل سەرانسەری هەرێما كوردستانێ بۆ وان وەلاتیێن ناڤێن وان بۆ چوونا حەجێ هاتین؛ دەستپێكرییە و گۆت: «پشتی پشكنینا نۆشداری، 10 وەلاتی ژ پشكنینان دەرنەچوون و نەشێن بچنە حەجێ، بەلێ كەسەكێ دیتر ژ خێزانێن وان دشێت ل جهێ وان بچیتە حەجێ».
ناڤهاتی گۆتژی: «ئەڤ سالە پێنج هزار و 120 كەس ل هەرێما كوردستانێ دێ سەرەدانا سعوودیێ كەن، بۆ بجهئینانا فەریزەیا حەجێ».
