ئەو پارێ بۆ دھۆکێ ھاتی ب دلێ وان نینە
ئەڤرۆ نیۆز، ئەمیر ئەترووشی:
سەرۆکێ لقێ دھۆک یێ ئێکەتیا بەلێندەرێن کوردستانێ راگەھاند، ئەو پارێ ھەتا نھا بۆ بەلێندەرێن دھۆکێ ھاتیە مەزاختن ب دلێ مە نینە و مە چاڤ ل پارەکێ زێدەترە بۆ بەلێندەرێن دھۆکێ یە بھێتە مەزاختن.
زیرەک دوسکی، سەرۆکێ لقێ دھۆک یێ ئێکەتیا بەلێندەرێن کوردستانێ بۆ ئەڤرۆ نیۆز دیار کر، ئەو پارەیێ حۆکمەتا ھەرێما کوردستانێ کو رێژەیا ١٥% بۆ ھەموو بەلێندەرێن ھەرێما کوردستانێ تەرخانکری ھێشتا نەگەھشتیە بەلێندەران و ئەو پارە ب تنێ بۆ بەلێندەرێن ھەولێر و سلێمانیێ ھاتیە مەزاختن و بۆ یێن دھۆکێ ھەموو ل گورەی رێژا ١٥% یا بەلێندەرێن دھۆکێ نەھاتیە مەزاختن.
زیرەک تەکەست ژی کر کو ل دھۆکێ ب کۆژمێ ٢١ ملیار دیناران عەجز یا ھەی و ئەگەر ئەو پارێ پێدڤی یێ دھۆکێ ب دروستی ھاتبایە مەزاختن، ئەو عەجزە نەدما و گۆت: ئەڤ پارە ب دلێ بەلێندەرێن دھۆکێ نینە و مە وەکو ئێکەتیا بەلێندەران ب فەرمی داخواز ژ سەرۆکێ حۆکمەتا ھەرێما کوردستانێ کریە مافێ بەلێندەرێن دھۆکێ نەھێتە خوارن و پێدڤیە پارێ مە ب رێژا ١٥% ب تمامی بھێتە مەزاختن.
