ئەو ڕۆژ چوون
شرین دوسكی
ئەو ڕۆژ چوون
یێن من كلێ چاڤێن خوە بۆ تە خراب دكری
ئەو ڕۆژ چوون
دەمێ ب دیتنا تە دل ژ كەیفا دا دفری
ئەو ڕۆژ چوون
دەمێ تە دلێ من بۆ خوە بری
هاتن ڕۆژێن گەش
شەڤێن گەرم و خوەش
یێن من پێدڤی ب وان دەستا نەبیت
یێن من پێدڤی ب هەبوونا تە نەبیت
نوكە تو ژی یێ ئازاد بە
نەمینە بەندە
بفرە..
بگڕنژە ..
ئەگەر ب چوونا من تو یێ شاد بی
ئەگەر ب چوونا من تو ئازاد بی
ل جهێ دو چەنگان بكە چار
ل ئەسمانی بە و هەر نەهێ خار
ل تە و ل من پیرۆزە
ل تە و ل من چ خوەش ڕۆژە!
