ئەو کەسێ پلانا ھێرشا داعش بۆ ناوەران دانایی ھاتە گرتن
ئەڤرۆ:
بەرپرسێ ھێزا ئاگری بۆ رۆژناما ئەڤرۆ دیار کر کو ئەو پلانێن ھاتینە دارێشتن بۆ سەر میحوەرێ ناوەران ئەو کەس د ناڤ گوندێ نێرگزلیێ ھاتە دەستەسەرکرن، کو کەسەکی پێزانین ل سەر پێشمەرگەی ددانە داعش.
لوقمان شەرەفانی بەرپرسێ ھێزا ئاگری بۆ رۆژناما ئەڤرۆ دیار کر کو ل ئەینیا بۆری پێزانین گەھشتنە پێشمەرگەی کو کەسەک د ناڤا گوندێ نێرگزلیێ پێزانین ل دۆر ھێزێن پێشمەرگەی ل میحوەرێ ناوەران ب رێکا پەیوەندیێن تەلەفونی بۆ داعش رەوانە دکەت و گۆت “ھێزێن مە ب لەز گەھشتنە د ناڤا گوندی دا و دەوروبەرێن مالا وی کونترۆلکرن و ئەو کەس دەستەسەر کر و ل دووڤ لێکۆلینێن دەستپێکێ ئاشکرا بوویە، کو ئەو کەس د ناڤا رێزێن داعش دایە ھەر پێزانینەکا میحوەرێ ناوەران گەھشتیە داعش وی گەھاندینێ”.
ناڤبری دیار کر ژی ناڤێ وی عەبدولغەفورە و ب رەگەز عەرەبە و ژیێ وی ١٧ سالە، زگوردە مالا وی ل گوندێ نێرگزلیێ یە، کو ٦ کیلومەتران ژ سەنتەرێ باژێرێ شێخان دوورە و ئاکنجیێن وی گوندی عەرەبن، لێ ل بن کونترۆلا پێشمەگەیە و گۆت “گەلەک تشتێن ب داعشڤە گرێدایی وەک کۆمپیوتەرەکێ دیسک توب د ناڤ مالا وی دا بوو، کو گەلەک کریار و سترانێن داعش تێدانە”.
ھەژی گۆتنێ یە ھێزا ئاگری سەر ب لقا ٢٠ یا شێخان ڤەیە و پتر ژ ١٤٠ پێشمەرگێن خۆبەخش ھەنە و ٦/٨ ھاتیە دامەزراندن و پتر ژ ١٠ گۆمانلێکری یێن ناڤ رێزێن داعش گرتینە.
