ئەژدەهایێ كۆمپانیا سامسۆنگ كەفتە بازاری
د ڤێ حەفتیێ دا، كۆمپانیا سامسۆنگ یا كوری، زنجیرەیەكا نوو یا مۆبایلێن خوە یێن گالاكسی ئێس ب ناڤێ گالاكسی ئێس ئولترا 24 و گالاكسی 24 پلاس و گالاكسی 24 خستنە بازاری و چەندین تایبەتمەندیێن نوو یێن ب خوە ڤەگرتین ب تایبەت مۆبایلا ئێكێ یە ل جیهانێ پشت بەستنەكا زۆر ل سەر زیرەكیا دەستكرد كریە كو ب مۆبایلا ئەی ئای ئانكو زیرەكیا دەستكرد دهێتە نیاسین.
سەرەرایی وێ چەندێ كو نێزیككرنا ئێكس 100 نەهێلایە د مۆبایلێ دا، بەلێ سیستەمێ كوالێتیا وێنان ل دەمێ دووراتیێ گەلەك یێ باش كری، دشیان دایە هەكە وێنە گەلەك بهێتە نێزیككرن ژی كوالێتیا وان تێك نەچیت. دیسا د راستڤەكرنا وێنان ژی دا هەر راكرنا تشتێ زێدە یێن د ناڤ وێنان دایان ژی زڤراندنا وێنا یان پاقژكرنا كوالێتیێ ب رێیا زیرەكیا دەستكرد ب رەنگەكێ گەلەك باش پێش ئێخستیە.
دیسا تایبەتمەندیا هەرە بەرنیاسا ڤێ زنجیرێ ئەوە كو دشیان دایە پەیوەندیێ ل گەل كەسەكی بكەیی كو ئێكجار زمانێ وی نەزانی و گەلەك ب ساناهی ب رێیا پەیوەندیا ئێكسەر كو بۆ تە وەرگێریتە سەر زمانێ تە، بێ كو تو و یێ بەرامبەر هەست بكەت كو كەسەك ژ هەوە یێ ب زمانەكێ بیانی د ئاخڤیت. ئەڤە نها بۆ زێدەتری 16 زمانان بەردەستە و ل داهاتیەكێ نێزیك دێ بۆ پترترین زمانان بەردەست بیت. دیسا دشیان دایە ئێكسەر نامێن تە یێن سۆشیال میدیایێ ژی ب رێیا زیرەكیا دەستكرد وەرگێریتە سەر زمانێ تە بڤێت و ب رەنگەكێ ئێكسەر.
ژ تایبەتمەندیێن دی یێن زیرەكیا دەستكرد، ئەڤ مۆبایلە دشێت بابەتەكێ تە یێ نە رێك خستی د ناڤ تێبینیێن هەلگرتی یێ گەلەك درێژ دا بۆ ب رەنگەكێ كورد دا رێژیت، دیسا دشێت تشتەكێ تە نڤیسی و ژ لایێ زمانی ڤە كێماسی هەیی، راستڤە بكەت و ئاریشان نەهێلیت، یا ژ ڤێ خۆشتر هەكە تە بڤێت دشێت بۆ تە رێك بێخیت و بكەتە پارەگراف و سەر رێزان بەرهەڤ بكەت.
سەرەرایی ڤان هەموو تایبەتمەندیان زنجیرەیا گالاكسی ئێس ب دیزاین و كامیرە و بەرنامە و قەبارە و پاتریا خوە یا مەزن یا بەرنیاسە كو حەز ژێكەرێن وێ ل سەر ئاستێ جیهانێ د هەڤركیا ئایفۆنێ دانە و بۆ ئەڤ سالە دیزاینا وێ ژ ب رەنگەكێ بەرچاڤ گوهۆڕیە كو بۆ جارا ئێكێ د دیكورێ لایێن وێ دا، تیتانیۆم بكارئینایە.
ل دۆر پێشخستنا سیستەمێ خوە یێ زیرەكیا دەستكرد راگەهاندیە كو ئەوان بڕیار دایە د ئەڤ سالە دا بۆ زنجیرەیا گالاكسی ئێس 23 و سامسونگ فولد ژی بەردەست بكەن و د پاشەرۆژێ دا زێدەتر گرنگیێ بدەنە ڤی سیستەمی.
ئەڤ مۆبایلە نها د بازارێن كوردستانێ ب جورێ پری ئوردەر بەردەستە ب هەرسێ رەنگێن زەر و رساسی و رەش دا و سەركەكێ باگاویكرنێ یێ 65 وات و پارێزەرەكێ مۆبایلێ دیارینە ل سەر و مۆبایلا پری ئوردەر ژی ب ئێك تێرا بایت ل گەل گرەنتیا دو سالان ل بەر دەستە.
