ئەڤرۆ جەماوەرێ وەرزشی چاڤ ل كلاسیكۆیا جیهانی یە
بڕیارە ئەڤرۆ ل دەمژمێر 10 شەڤ هەردو یانەیێن ریال مەدرید و بەرشەلۆنا د یارییا دووماهییا كۆپا سۆپەرا ئسپانیا ل یاریگەها ئەلئەول بۆ جارا دویێ ل دووڤ ئێك ل وەلاتێ سعۆدیێ بەرانبەر ئێك بن كو دهێتە هژمارتن كلاسیكۆیا ئەردی ژبەركو جەماوەرێ وەرزشی ل جیهانێ هەمی چاڤەڕێ دیتنا ڤێ یاریێ نە.
بۆ زانین یارییا ئەڤ شەڤە ل سەر ئەردێ یاریگەها سعۆدیێ دبیتە جارا دویێ ل دووڤ ئێك پشتی ل سالا بۆری د یارییا دووماهیێ دا بەرشەلۆنا شیابوو ب سێ گۆلان بەرانبەر گۆلەگێ سەركەفتنێ ل سەر ریالێ بینت، دەربازبوونا تیما ریالێ بۆ یارییا ئەڤرۆ پشتی ب سەركەفتی ل سەر ئەتلەتیكۆ مەدرید ب5-3 گۆلان بەرانبەر دا بەرشەلۆنا ب دو گۆلێن پاقژی سەركەفت بوو ل سەر ئۆساسۆنا.
ل دووڤ ژێدەرێن رۆژنامەڤانی ریال مەدرید دێ بڤی پێكهاتی یاریێ كەت ئەوژی: گۆلپارێز كیپا ئاریزابالاحا، هێلا بەرەڤانیێ مێندی، رۆدێگر، ناتچۆ فێرناندێز، كارڤاخال، هێلا ناڤین ئۆریلین تچوامینی، لۆكا مۆدرێچ، فیدی ڤالڤێردی، گۆد بیلینگهام، هێلا هێرشبرنێ رۆدرێگۆ، ڤینیسیۆس جۆنیرۆ، ژلایێ خوەڤە یانەیا بەرشەلۆنا، گۆلپارێز ئیناكی بینا، هێلا بەرەڤانیێ كۆندی، ئاراخۆ، كرێستینسن، كیتا بالدی، هێلا ناڤین، فرینكی دیۆنگ، ئیلكایی گۆندۆگان، سێرجی رۆبێرتۆ، هێلا هێرشبەریێ فیراس تۆرێس، لیڤاندۆڤێسكی، لامین یامال.
د دیرۆكا یاریێن هەردو یانەیان د سۆپەرا ئسپانیا دا 16 جاران بەرانبەر ئێك بووینە، ریال مەدرید نەهـ جاران سەركەفتن، پێنج سەركەفتن بۆ بەرشەلۆنا دگەل دو وەكهەڤییان هاتینە، لێ د یاریێن دووماهیێ دا حەفت ناسناڤ ل سەر كیستێ ئێكودو ئیناینە، شەش جاران ریالێ و جارەكێ بەرشەلۆنا ئینایە.
